Advertisement
03 Aug 2024
ހަނިމާދޫ އެއާރޕޯޓުގައި ހަތިޔާރެއް ބޭނުންކޮށް މާރާމާރީ ހިންގައިފި
ހަނިމާދޫ އިންޓަނޭޝަނަލް އެއާރޕޯޓުގައި މަސައްކަތް ކުރަމުން ދިޔަ ދެ މުވައްޒަފެއްގެ ދެމެދުގައި ހިނގި މާރާމާރީއަކާ ގުޅިގެން އެކަކު ފުލުހުންގެ ބެލުމުގެ ދަށަށް ގެންގޮސްފިއެވެ. އަދި މި މާރާމާރީގައި އަނިޔާ ލިބުނު ފަރާތަށް އަންނަނީ ހަނިމާދޫ ސިއްހީ މަރުކަޒުގައި ފަރުވާ ދެމުންނެވެ.
ފުލުހުން ހާމަ ކޮށްފައިވާ ގޮތުގައި، އެ މާރާމާރީގެ ރިޕޯޓު ފުލުހުންނަށް ލިބުނީ ހުކުރު ދުވަހުގެ ރޭގެ 8 ޖަހާކަށްހާއިރު ކަމަށެވެ.
މި ހާދިސާއާ ގުޅިގެން މީޑިއާތަކަށް ފޮނުވި މެސެޖުގައި، މި މާރާމާރީގައި ހަތިޔާރެއް ބޭނުންކޮށްފައިވާކަމަށް ވެސް ފުލުހުން ބުނެފައިވެއެވެ.
މިހާތަނަށް އިތުރު މައުލޫމާތެއް ހިއްސާކޮށްފައި ނުވިނަމަވެސް، މި މައްސަލަ ތަހުގީގު ކުރަމުން އަންނަ ކަމަށް ފުލުހުން ބުނެފައިވެއެވެ.
ކޮމެންޓް
21 Nov 2024
ޝާހިދު ވިދާޅުވީ ޤާނޫނު އަސާސީއަށް ގެނައި އިސްލާހާއިއެކު ޑިމޮކްރަސީގެ އިރު އޮއްސުނީކަމަށް!
ޝާހިދު ވިދާޅުވީ، އިއްޔެ ރައްޔިތުންގެ މަޖިލީހުން ޤާނޫނު އަސާސީއަށް ގެނައި ބަދަލުތައް ފާސްކުރި ވަގުތު ދިމާވީ އިރުއޮއްސުނު ވަގުތާއި ކަމަށާއި އެހެން ކަމުން އެމަނިކުފާނަށް ސިފަކުރެވުނީ، އެއީ ރާއްޖޭގެ ޑިމޮކްރަސީއަށްވެސް އިރު އޮއްސިގެން ދިޔުން ކަމަށެވެ.
21 Nov 2024
ނައިބު ރައީސް ފަރެސްމާތޮޑާ ދާއިރާގެ މަޖިލިސް މެމްބަރާއި ފިޔޯރީ ކައުންސިލްގެ ރައީސާ ބައްދަލުކުރައްވައިފި
މި ބައްދަލުކުރެއްވުމުގައި ފިޔޯރީގެ ތަރައްޤީއަށް ބޭނުންވާ ކަންކަމާއި ރައްޔިތުން އެންމެ ބޭނުންވާ ކަންކަމާގުޅޭގޮތުން މަޝްވަރާކުރެއްވިއެވެ. އެގޮތުން ރަށުގެ ޒުވާނުން މިވަގުތު ފުޓުބޯޅަ ކުޅުމަށްޓަކައި ރަށުގެ ބޮޑު ސްޓޭޑިއަމްގައި ޓާފު އެޅުމަށް ބޭނުންވާކަމަށާއި، ރަށުގައި ޒުވާނުންގެ މަރުކަޒެއް ޤާއިމުކޮށްދެއްވުމަށް ކައުންސިލް ރައީސާއި ދާއިރާގެ މަޖިލީސް މެންބަރު އެދިވަޑައިގެންނެވިއެވެ. ހަމައެއާއެކު، ރަށުގައި އޭ.ޓީ.އެމް ގެ ޚިދުމަތް ނެތުމުން ރައްޔިތުންގެ ހުރި ކަންބޮޑުވުންތައް އެބޭފުޅުން ޙިއްޞާކުރެއްވިއެވެ.
21 Nov 2024
ރައީސް ވިދާޅުވީ ޤާނޫނު އަސާސީއަށް ކުއްލި ގޮތަކަށް ގެނައި އިސްލާޙަކީ، ހަމަޖެހުން ޤާއިމްކުރުމަށް ގެނައި ބަދަލެއް ކަމަށް!
އެމަނިކުފާނު ރޭ އިނގިރޭސި ވިލާތަށް ފުރާ ވަޑައިގެންނެވުމުގެ ކުރިން ދެއްވި މި އިންޓަރވިއުގައި ވިދާޅުވީ، ރާއްޖޭގެ ސަރަޙައްދަށް ބަދަލެއް ގެންނަ ނަމަ މީގެ ކުރިން އޮންނަނީ، ރައްޔިތުންގެ މަޖިލީހުގެ ތިންބައިކުޅަ ދެބައިގެ އަޣްލަބިއްޔަތުން ފާސްވުން ކަމަށާއި، އެހެންނަމަވެސް މިއަދު ގެނައި އިޞްލާޙާއެކު އެކަން އިތުރަށް ވަރުގަދަވެ، ރައްޔިތުންގެ މަޖިލީހުގެ ހަތަރުބައިކުޅަ ތިންބައިގެ ތަނަވަސް އަޣްލަބިއްޔަތަކުން ފާސްކުރަން ޖެހޭގޮތަށް ކަނޑައެޅުނީ ކަމުގައި ރައީސް ވިދާޅުވިއެވެ.
20 Nov 2024
އެއްދުވަހުން ޤާނޫނު އަސާސީއަށް ގެނައި ބަދަލު ތަސްދީޤު ކުރެއްވުމަށްފަހު ރައީސް އިނގިރޭސިވިލާތަށް ފުރާވަޑައިގެންފި
ރައީސުލްޖުމްހޫރިއްޔާގެ މިދަތުރުފުޅަކީ، ނުރަސްމީ ދަތުރުފުޅަކަށްވާތީ، ދަތުރުފުޅާއި ގުޅޭ އިތުރު މައުލޫމާތެއް ރައީސުލްޖުމްހޫރިއްޔާގެ އޮފީހުން ހާމައެއް ނުކުރައްވައެވެ. އެކަމަކު އެނގިފައިވާ ގޮތުގައި ރައީސްގެ ދެކަނބަލުން އިނގިރޭސި ވިލާތަކަށް ވަޑައިންނަވަނީ އެގައުމުގައި ހުރި ދަރިކަނބަލުންގެ ގާތަށެވެ.