ވޭސްޓް މެނޭޖްމަންޓް ކޯޕަރޭޝަން ވެމްކޯއިން ބިންލައިނާ (ޑަސްބިން ކޮތަޅު) ވިއްކުމަށް ހަމަޖައްސާފައިވާ އަގުތައް މިއަދު އެކުންފުނިން ހާމަކޮށްފިއެވެ.

ޕްލާސްޓިކް ކޮތަޅުން ފީނަގަން ފެށުމާއި އެކު ކޮތަޅު އަގުބޮޑުވުމުގެ ޝަކުވާތައް އާއްމުން ވަނީ ކޮށްފައެވެ. އެކަމަށް ހައްލެއް ހޯދައިދިނުމުގެ ގޮތުން ކުނި އެޅުމަށް ބޭނުންވާ ކޮތަޅު ވެމްކޯއިން ފޯރުކޮށްދޭނެކަން އެކުންފުނިން ވަނީ މިހަފްތާގައި ހާމަކޮށްފައެވެ. އަދި އެކުންފުނިން ވަނީ މިއަންނަ ބްރާސްފަތި ދުވަހުން ފެށިގެން އެކުންފުނީގެ ޓްރާންސްފަރ ސްޓޭޝަންތަކުން ތިން ސައިޒެއްގެ ކޮތަޅު ވިއްކަން ފަށާނެ ކަން ހާމަކޮށްފައެވެ. އަދި އާއްމުންނަށް ހޯލް ސޭލްކޮށާއި ރީޓެއިލްކޮށް ކޮތަޅު ވިއްކަން ބޭނުންވާ ފަރާތްތަކަށް އެކަމަށް އެދި ހުށައެޅުމަށްވެސް ވެމްކޯއިން މިހާރު ވަނީ ފުރުޞަތު ހުޅުވާލާފައެވެ.

ވެމްކޯއިމް ކޮތަޅު ވިއްކުމަށް ކަނޑައަޅާފައިވާ އަގުތަކަކީ:

100 ކޮތަޅުގެ ލާޖު ކިތަޅު ބޮނޑިއެއް 35ރ

100 ކޮތަޅުގެ ޑަނަލް އެކްސް ލާޖު ކޮތަޅު ބޮނޑިއެއް 165ރ

50 ކޮތަޅުގެ ޓްރިޕަލް އެކްސް ލާޖް ކޮތަޅު ބޮނޑިއެއް 165ރ އެވެ.

ވެމްކޯއިން ހާމަކޮށްފައިވާ ގޮތުގައި އެކުންފުނިން ވިއްކާނީ، ފެހި އަދި ކަޅު ކުލައިގެ ކޮތަޅެވެ، މިގޮތުން ފެހި ކުލައިގެ ކޮތަޅުގައި ހަލާކުވެ ނެތިފަނާވެދާ ޒާތުގެ ކުނި ބަންދު ކުރުމަށާއި، ކަޅު ކޮތަޅުގައި އެނޫން ބާވަތްތަކުގެ ކުނި ބަންދު ކުރުމަށް ވެމްކޯއިން ވަނީ އެދިފައެވެ.