އިސްރާޢީލުން ފަލަސްޠީނުގައި ހިންގަމުންދާ ލާއިންސާނީ ޢަމަލުތަކާ ގުޅޭގޮތުން އިންޓަރނޭޝަނަލް ކޯޓް އޮފް ޖަސްޓިސް (އައި.ސީ.ޖޭ) ގެ އިސްތިޝާރީ ލަފައެއް ހޯއްދެއްވުމަށް އދ. އާންމު މަޖިލީހުން ހުށަހަޅުއްވާފައިވާ މައްސަލައިގައި، ދިވެހިރާއްޖެއިން އައި.ސީ.ޖޭ އަށް މިއަދު ލިޔުމުން ބަޔާނެއް ހުށަހަޅާފައިކަމުގައި ފޮރިން މިނިސްޓަރ ޢަބުދުﷲ ޝާހިދު ވިދާޅުވެއްޖެއެވެ.

މިނިސްޓަރ ޝާހިދު މިކަން ހާމަކުރެއްވީ އެމަނިކުފާނު ކުރެއްވި ޓްވީޓެއްގައެވެ. މިނިސްޓަރ ޝާހިދު ވިދާޅުވީ، މިނިވަން، މުސްތަގިއްލު، ދައުލަތެއް ގާއިމުކުރުމަށް ފަލަސްތީނުން ކުރަމުންދާ މަސައްކަތުގައި ފަލަސްތީނުގެ ރައްޔިތުންނާއެކު ދެގޮތެއްނުވެ ސާބިތުކަމާއެކު ދިވެހިރާއްޖެއިން ދެމިތިބޭނެ ކަމަށެވެ.

ދިވެހިރާއްޖެއަކީ، އަބަދުވެސް ފަލަސްޠީނާއިއެކުގައި އޮތް ޤައުމެކެވެ. ފަލަސްޠީނުގައި މިނިވަން ދައުލަތެއް ޤާއިމްކޮށް އެދައުލަތުގެ ވެރިރަށަކީ އިރުމަތީ ޤުދުސްކަމުގައި ކަނޑައެޅުމަށާއި، ހިފާފައިވާ ފަލަސްޠީނުގެ ބިންތަކުން އިޒްރާއީޅުން ފޭބުމަށް ދިވެހިރާއްޖެއިން އަބަދުވެސް ދަނީ ބައިނަލްއަޤުވާމީ މުޖުތަމަޢުގައި ގޮވާލަމުންނެވެ.