ބަނގުލަދޭޝްގައި މިހާރު ހިނގަމުންދާ ބޮޑެތި ހަމަނުޖެހުންތަކާ ގުޅިގެން، އެ ގައުމުގައި ދިރިއުޅޭ ދިވެހީންނާއި އެ ގައުމަށް ދަތުރުކުރާ ދިވެހީން ސަމާލުވުމަށް ދިވެހި ސަރުކާރުން އިލްތިމާސްކޮށްފިއެވެ.

ބަނގުލަދޭޝްގައި ހިނގަމުންދާ ހަމަނުޖެހުންތަކުގައި މިހާތަނަށް 25 މީހަކު ވަނީ މަރުވެފައެވެ. މި މުޒާހަރާތައް ފެށިގެން އައީ 1971 ގެ ހަނގުރާމައިގައި ބައިވެރިވި ބަންގްލަދޭޝް ސިފައިންގެ އާއިލާތަކަށް ސަރުކާރުގެ ވަޒީފާތަކުގެ 30 އިންސައްތަ ދޭން ނިންމުމާ ގުޅިގެންނެވެ.

މި ދަނޑިވަޅުގައި ދިވެހިރާއްޖޭގެ ފޮރިން މިނިސްޓްރީއިން އިލްތިމާސްކޮށްފައިވަނީ ގެއިން ބޭރަށް ނިކުމެ ނޫޅުމަށާއި، ބަނގުލަދޭޝް ސަރުކާރާއި އަދި އެ ގައުމުގައި ހުންނަ ދިވެހި ރާއްޖޭގެ ހައިކޮމިޝަނުން އަންގާ އެންގުންތަކަށާއި ދޭ އިރުޝާދުތަކަށް ފުރިހަމައަށް ބޯލެނބުމަށެވެ.