އެފްއެސްއެމް އިން ވިއްކި ތެލުގައި ފެން ހުރި ކަމަށް ބުނާ ވާހަކަ އެ ކުންފުނިން ދޮގުކޮށްފިއެވެ.

މިކަމާ ގުޅިގެން އެފްއެސްއިން އިއްޔެ ނެރުނު ނޫސްބަޔާނެއްގައި ބުނީ، އެ ކުންފުނިން ގއ މާމެންދޫ އަދި ނިލަންދޫއަށް ވިއްކި ތެލުގައި ގިނަ އަދަދަކަށް ފެން ހުރި ކަމަށް މީސްމީޑިއާ ގައި ދައުރުވަމުންދާ ހަބަރަކީ ދޮގު ހަބަރެއްކަމަށެވެ. އަދި މިކަމަށް ޝައްކުވާނަމަ، ފެނަށް ޓެސްޓު ކުރެވޭނެ އިންތިޒާމު ވެސް ހަމަޖައްސާފަ ވާނެކަމަށް އެ ކުންފުނިން ބުންޏެވެ. އެގޮތުން އެ ކުންފުނީގެ ބާޖުތަކުގައި މި އިންތިޒާމު ހަމަޖެހިފައި ހުންނާނެކަމަށް ވަނީ ފާހަގަކޮށްފައެވެ.

ތެޔޮ ގަނެގެން ވިއްކާ ފަރާތްތަކުން ވެސް ގަވާއިދުތަކާއި އެއްގޮތަށް ތެޔޮ ރައްކާ ކުރުމުގެ އިންތިޒާމު ހަމަޖެއްސުމަށާ، މި މަސައްކަތުގައި ކަމާ ބެހޭ ފަރާތްތަކުގެ ލަފައާއި އެއްގޮތަށް އަމަލު ކުރުމަށް އިލްތިމާސްކުރާ ކަމަށް ވެސް އެކުންފުނިން ބުންޏެވެ.