މާލޭގެ ގަލޮޅު ކަންމަތީގައި ގޮވިކަމަށް ބުނާ ވެހިކަލްގެ ތެރެއިން ގޮވުމެއްގެ އެއްވެސް ނިޝާނެއް ފެންނަން ނެތް ކަމަށް، މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ބުނެފިއެވެ.

މި ހާދިސާ ހިނގާފައިވަނީ ފާޝަނާ ކިލެގެ މަގު (ބާ އިންޖީނުގެ ފުރަގަސް މަގު) ނިމޭ ހިސާބުން، ގަލޮޅު ކަންމައްޗަށް ވާގޮތަށް ޕާކުކޮށްފައި އޮތް ވެހިކަލެއްގައެވެ.

މިހާދިސާއާ ގުޅިގެން އެމްއެންޑީއެފުން ބުނީ، ރިޕޯޓު ލިބުމާއެކު މިފަދަ ރިޕޯޓުތަކާ ގުޅިގެން އަމަލުކުރުމަށް ކަނޑައަޅާފައި އޮންނަ ޕްރޮސީޖާއާ އެއްގޮތަށް އެ މުއައްސަސާއިން ދަނީ އެންމެ ފުރަތަމަ ވަގުތުން ފެށިގެން ވެސް އަމަލު ކުރަމުންނެވެ. ނަމަވެސް މިހާތަނަށް ބެލިބެލުމުން އެއްވެސް ގޮވާ އެއްޗެއްގެ ނިޝާނެއް ފެންނަން ނެތް ކަމަށް އެ އިދާރާއިން ބުންޏެވެ.

މި ހާދިސާގައި އެއްވެސް މީހަކަށް ގެއްލުމެއް ލިބިފައިނުވާކަމަށް ފުލުހުން ވަނީ ކަށަވަރުކޮށްދީފައެވެ.