ވޭސްޓް މެނޭޖްމެންޓް ކޯޕަރޭޝަން ވެމްކޯއިން ވިއްކުމަށް ހަމަޖައްސާފައިވާ ބިންލައިނަރ ހޯލް ސޭލްކޮށް އަދި ރީޓެއިލްކޮށް ވިއްކުމަށް ބޭނުންވާ ފަރާތްތަަކަށް އެކުންފުނިން ފުރުޞަތު ހުޅުވާލައިފިއެވެ.

ވެމްކޯއިން ބުނީ،  އެކުންފުނީގެ ފަރާތުން ވިއްކުމަށް ހަމަޖައްސައިފައިވާ ބިންލައިނަށް ވިއްކުމަށް އެދޭ ފަރާތްތަކަށް އެކުންފުނީގެ ވެބްސައިޓް މެދުވެރިކޮށް އެކަމަށް އެދި ހުށައެޅޭނެ ކަމަށެވެ.

ޕްލާސްޓިކް ކޮތަޅުން 2 ރުފިޔާގެ ފީއެއް ނަގަން ފެށުމާއިއެކު ޑަސްބިންގައި ބޭނުން ކުރާނެ ކޮތަޅުގެ ނެތުމުގެ މައްސަލަ އާއްމުން ވަނީ ފާހަގަކޮށްފައެވެ. އެހެންވެ ވެމްކޯއިން ވަނީ، ކުނިއެޅުމަށް ބޭނުންވާ ޑަސްބިން ކޮތަޅު ބުރާސްފަތި ދުވަހުން ފެށިގެން އެކުންފުނިން ވިއްކަން ފަށާނެކަން ހާމަކޮށްފައެވެ. މިގޮތުން މިމަހުގެ 27 ވަނަ ދުވަހުން ފެށިގެން އެކުންފުނީގެ ޓްރާންސްފަރ ސްޓޭޝަންތަކުގެ އޮފީސްތަކުން ކޮތަޅު ވިއްކާނެ ކަމުގައި އެކުންފުނިން ބުނެފައިވެއެވެ.

Advertisement

ވެމްކޯއިން ބުނެފައިވަނީ އެކުންފުނިން ވިއްކާނީ 3 ސައިޒެއްގެ ކަޅު އަދި ފެހި ކުލައިގެ ކޮތަޅު ކަމަށެވެ.