Advertisement

އިލްޔާސް ލަބީބު --

23 Jul 2023
ޚަބަރު
ޢަލީ ސުލައިމާން

އިލްޔާސް ލަބީބު ވިދާޅުވީ، އޭނާ ހޮވިއްޖެނަމަ ވާނީ ރަމްޒީ ރައީސަކަށް ކަމަށް!

ރައީސް ނަޝީދަށް ރިޔާސީ އިންތިޚާބުގައި ވާދަކުރުމަށް ޓަކައި އުފެއްދި، ދަ ޑިމޮކްރެޓްސްގެ ރިޔާސީ ކެންޑިޑޭޓްކަމަށް ކުރިމަތި ލެއްވި އިލްޔާސް ލަބީބު އޭނާއަކީ ރަމްޒީ މީހެއްކަމަށް ދޭހަވާ މޭރުމުން ވާހަކަފުޅު ދައްކަވައިފިއެވެ.

ދަ ޑިމޮކްރެޓްސްއިން ރިޔާސީ އިންތިޚާބުގައި ވާދަކުރުމަށް ކެންޑިޑޭޓަކު ހޮވުމަށް، ޕްރައިމަރިއެއް ބޭއްވުމަށް ނިންމާފައިވާއިރު، އެޕްރައިމަރީއަށް ކުރިމަތިލާފައި ވަނީވެސް އިލްޔާސް ލަބީބު އެކަންޏެވެ. އެނގިފައިވާ ގޮތުގައި އިލްޔާސް ލަބީބު ރިޔާސީ ޕްރައިމަރީއަށް ނުކުންނެވީ، ރައީސް ނަޝީދުގެ ފަރާތްޕުޅުންނެވެ. އަދި އޭނާއާ ވާދަކުރެއްވުމަށް އެހެން އެއްވެސް މެމްބަރަކު ކުރިމަތި ނުލެއްވީ އެހެންވެއެވެ. ދަ ޑިމޮކްރެޓްސް އުފައްދަން އުޅުނު އިރު އެޕާޓީގެ ރިޔާސީ ކެންޑިޑޭޓްގެ ގޮތުގައި ރައީސް ނަޝީދު ނުނުކުންނަވާނަމަ، ކެންޑިޑޭޓަކަށް ނެރޭނީ، ޙުސައިން އަމްރު ކަމުގައި ބެލެވިފައޮތެވެ. އެހެން ނަމަވެސް އޭނާ މަންޒަރުން ގެއްލުނުތާ ދުވަސްކޮޅެއް ވެއްޖެއެވެ.

ދަ ޑިމޮކްރެޓްސްގެ ރިޔާސީ ޕްރައިމަރީއަށް ކުރިމަތި ލެއްވި ހަމައެކަނި ކެންޑިޑޭޓް އިލްޔާސް ލަބީބު ޕާޓީގެ މެމްބަރުންނަށް ތަޢާރަފްވުމަށްޓަކައި، އެޕާޓީގެ ހަރުގޭގައި ބޭއްވި އެއްވުމުގައި ވިދާޅުވީ، ރައީސް ކަމުގެ މަޤާމަށް އޭނާ ހޮވި ވަޑައިގެންފިނަމަވެސް ހުންނާނީ ރައީސް ނަޝީދުގެ ފަހަތްޕުޅުގައެވެ. އޭގެ މާނައަކީ، އިލްޔާސް ލަބީބު މަޤާމުގައި ހުންނަވާނީ، ރަމްޒީގޮތުން ކަމަށާއި، ވެރިކަމުގެ އެންމެހައި ބާރުތައް ހިފަހައްޓަވައި ހިންގަވާނީ، އިލްޔާސްގެ ހިޔަނީގައި ރައީސް ނަޝީދުކަމުގައި ސިޔާސީ ދާއިރާގެ ބޭފުޅުން ވިދާޅުވެއެވެ.

ދަ ޑިމޮކްރެޓްސްގެ ރިޔާސީ ޕްރައިމަރީއަށް ކުރިމަތިލެއްވީ ހަމައެކަނި، އިލްޔާސް ލަބީބު ކަމުގައިވާތީ، އެޕާޓީން މިހާރު ނިންމާފައި ވަނީ، ފެންނަ ނުފެންނަ ވޯޓެއް ނެގުމަށެވެ.

އިލްޔާސް ލަބީބަކީ، އެމްޑީޕީގައި ހުންނެވި އިރުވެސް އާއްމު މެމްބަރުންގެ ތެރޭގައި މާ މަޤުބޫލު ބޭފުޅެއް ނޫނެވެ. އަދި ދަ ޑިމްކޮރެޓްސްގެ ރިޔާސީ ކެންޑިޑޭޓްގެ ގޮތުގައި ނުކުންނަވައިގެން ކާމިޔާބެއް ހޯދޭނެ ކަމުގެ އެއްވެސް އުއްމީދެއް ނެތްކަމުގައި ދަ ޑިމޮކްރެޓްސްގެ މެމްބަރުންވެސް ޤަބޫލުކުރެއެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.