ފަލަސްޠީނުގެ ރައްޔިތުންނަށް އެހީވުމަށް ޕީއެސްއެމުން ކުރިއަށްގެންދިޔަ ޓެލެތޯނަށް ލިބުނު ހުރިހާ ފައިސާއެއް އެކުން ފުނިން، ފޮރިން މިނިސްޓްރީއާ ހަވާލުކުރައްވައިފިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމަށް، "ފަލަސްޠީނާއެކު ދިވެހީން"ގެ ނަމުގައި ޕީއެސްއެމްއިން ކުރިޔަށް ގެންދިޔަ 18 ގަޑިއިރުގެ ޓެލެތޯނަށް، 19.1 މިލިޔަން ރުފިޔާ ލިބުނު ކަމުގައި އެކުންފުނިން ހާމަކުރައްވާފައި ވެއެވެ. 

އެ ޓެލެތޯނުން ލިބުނު ފައިސާ ހަވާލު ކުރުމުގެ ގޮތުން، ފައިސާގެ ރަމްޒީ ޗެކް، ފޮރުން މިނިސްޓަރ މޫސާ ޒަމީރާއި ހަވާލުކޮށްދެއްވީ، ޕީއެސްއެމްގެ މެނޭޖިންގ ޑައިރެކްޓަރ ޒީނާ ޒާހިރެވެ.

Advertisement

އެޓެލެތޯނަށް ލިބިފައި ވަނީ ޖުމުލަ، 18،418،922.24ރ (އަށާރަ މިލިޔަން ހަތަރުލައްކަ އަށާރަހާސް ނުވަ ސަތޭކަ ބާވީސް ރުފިޔާ ސައުވީސް ލާރި) އާއި، 49،800.86$ (ސާޅީސްނުވަހާސް އަށްސަތޭކަ ޑޮލަރާއި އަށްޑިހަ ހަސެންޓް) އެވެ.

މި ޓެލެތޯނުން ލިބުނު ފައިސާ ފަލަސްޠީންގެ ރައްޔިތުންނަށް ފޯރުވައިދިނުމަށް ހަމަޖެހިފައިވަނީ ޔުނައިޓެޑް ނޭޝަންސް ރިލީފް އެންޑް ވޯރކްސް އެޖެންސީ ފޮރ ޕަލެސްޓައިން ރެފިއުޖީސް މެދުވެރިކޮށް ކަމުގައި ސަރުކާރުން ވަނީ ހާމަކުރައްވާފައެވެ.