ސޮވްރިން ޑިވެލޮޕްމަންޓް ފަންޑް (އެސް.ޑީ.އެފް) ބިލަށް އާންމުންގެ ހިޔާލު ހޯދަން، ރައްޔިތުންގެ މަޖިލީހުން ހުޅުވާލައިފިއެވެ.

ސޮވްރިން ޑިވެލޮޕްމަންޓް ފަންޑަކީ، ދައުލަތުގެ ދަރަނިތައް ދެއްކުމަށް ބޭނުންވާ ފައިސާ ޖަމާކުރަމުންދާ ފަންޑެވެ. މިގޮތުން މިފަންޑަށް ޖަމާކުރަމުން ގެންދަނީ، އެއާޕޯޓް ޑިވެލޮޕްމެންޓް ފީ (އޭ.ޑީ.އެފް) އާއި، ކްރޮސް ސަބްސިޑީ މަޝްރޫޢުތަަކަށް ލިބޭ ފައިސާ އެވެ. 19 ވަނަ ރައްޔިތުންގެ މަޖިލީހުގައި މިބިލް މަޖިލީހުން ބޭރުކޮށްލިއެވެ. އެދުވަހު މައްސަަލަ މަޖިލީހުން ބޭރުވީ ވޯޓަށް އެހި ގަޑީގައި މަޖިލީހުގެ ތަޅުމުގައި ސަރުކާރުގެ އެއްވެސް މެމްބަރެއް ނެތުމުން، ބިލާއި އެއްކޮޅަށް ވޯޓު ނުލިބިގެންނެވެ.

އެހެން ނަމަވެސް 20 ވަނަ ރައްޔިތުންގެ މަޖިލީހުގައި ސަރުކާރަށް ލިބުނު ސުޕަރ މެޖޯރިޓީއާއެކު ސަރުކާރުން ވަނީ އެބިލް އަލުން މަޖިލީހަށް ހުށައަޅާފައެވެ. 19 ވަނަ ރައްޔިތުންގެ މަޖިލީހަށް ހުށައެޅި ބިލަށް އެއްވެސް ބަަދަލެއް ނުގެނެސް އަލުން އެބިލް މަޖިލީހަށް ހުށައެޅުއްވީ، ރައްޔިތުންގެ މަޖިލީހުގެ ފުވައްމުލައް މެދު ދާއިރާގެ މެމްބަރު އަލީ ފަޒާދެވެ.

Advertisement

ސޮވްރިން ޑިވެލޮޕްމަންޓް ފަންޑް (އެސް.ޑީ.އެފް) ބިލަށް ހިޔާލާއި އިސްލާޙް ހުށަހެޅުމުގެ ސުންގަޑިއަކީ ޖުލައި 9, ގެ 14:00 ކަމުގައި ރައްޔިތުންގެ މަޖިލީހުގެ އިދާރާއިން ވަނީ ވިދާޅުވެފައެވެ.