Advertisement

ޕީއެސްއެމް ނިއުސްގެ ރާއްޖެ މިއަދު ޕްރޮގްރާމްގެ ތެރެއިން --- ފޮޓޯ: ޕީއެސްއެމް ނިއުސް

27 Jun 2024
ޚަބަރު
ޢަލީ ސުލައިމާން

މެނިންގޯކޮކަލް ބަލީގައި މަރުވި މީހާ އާއި ކޮންޓެކްޓްވި، 46 މީހަކު ވަނީ ދެނެގަނެވިފައި: އެޗްޕީއޭ

މިހަފްތާގައި ރާއްޖެއިން، މެނިންގޯކޮކަލް ބަލިޖެހުނު މީހަކު ދެނެގަނެވުމާއި ގުޅިގެން ކުރިޔަށް ގެންދިޔަ ކޮންޓްކެޓް ޓްރޭސިންގެ ތެރެއިން މިހާތަނަށް 46 މީހަކު ދެނެގަނެވިފައިވާ ކަމުގައި އެޗްޕީއޭއިން ވިދާޅުވެއްޖެއެވެ.

ޕީއެސްއެމްގެ ރާއްޖެ މިއަދު ޕްރޮގްރާމްގައި ވާހަކަފުޅު ދައްކަވަމުން،  އެޗްޕީއޭގެ ޑެޕިއުޓީ ޑިރެކްޓަރ ޖެނެރަލް އޮފް ޕަބްލިކް ހެލްތު އިބްރާޙިމް އަޝްރަފް ވިދާޅުވީ، އެބަލި ރާއްޖެއިން ދެނެގަނެވުމާއި އެކު އެޗްޕީއިން ކުރިޔަށް ގެންދާ ކޮންޓެކްޓް ޓްރޭސިންގެ ގެ ތެރެއިން ފާހަގަވި 46 މީހުންގެ ތެރެއިން، ބޭސްދޭން ޖެހޭ މީހުންނަށް މިހާރު ވަނީ ބޭސްދެވިފައިވާ ކަމަށާއި، އެހެން ނަމަވެސް އަދިވެސް ކޮންޓެކްޓް ޓްރޭސިން އިތުރަށް ކުރިޔަށް ގެންދާ ކަމުގައި އޭނާ ވިދާޅުވިއެވެ.

އޭނާ ވިދާޅުވީ، މެނިންގޯކޮކަލް ބަލިޖައްސާ ބެކްޓީރިއާ ފެތުރިގެން ދިޔަ ނުދިނުމަށްވެސް އެޗްޕީއޭއިން ފިޔަވަޅުތައް އަޅަމުން ގެންދާ ކަމުގައި އޭނާ ވިދާޅުވިއެވެ.

ރޭގެ ޕްރޮގްރާމްގައި ވާހަކަފުޅު ދައްކަވަމުން، އެތެރެހަށީގެ ޙާއްޞަ ޑރ. ޑރ މޫސާ މުރާދު ވިދާޅުވީ، މެނިންގޯކޮކަލް ބަލިޖައްސަނީ ބެކްޓީރިއާއަކުން ކަމަށް ވީނަމަވެސް މި ބެކްޓީރިއާ އެކެއްގެގައިން އަނެކެއްގެ ގަޔަށް ވާޞިލްވަނީ، ކެއްސައި ކިނބިހި އަޅާއިރު، ބަލިމީހާގެ އަނގައިންނާއި ނޭފަތުން ނުކުންނަ ތިކިތަކުގެ ޒަރީއާއިން ކަމަށެވެ. 

"ވައިރަސްތައް ފެތުރޭހައި ފަސޭހައިން އެކަކުގައިން އަނެކަކުގެ ގަޔަށް ފެތުރޭ އެއްޗެއް ނޫން ބެކްޓީރިއާ ތަކަކީ. އެހެންވީމާ، އެކަކުގައިން އަނެކެއްގެ ގަޔަށް ފެތުރުމުގެ ބައި ނުވަތަ އެބާރު ތަންކޮޅެއް ކުޑަވާނެ މިޖަރާސީމުގައި. އާއްމު ގޮތެއްގައި ތަންކޮޅެއް ކައިރިން ކޮންޓެކްޓްވާ މީހުންނަށް މިބަލި މިއަރަނީ."

އެތެރެހަށީގެ ޚާއްޞަ ޑޮކްޓަރު ޑރ. މޫސާ މުރާދު --

ޑރ. މޫސާ މުރާދު ވިދާޅުވީ، މިބަލީގައިވެސް ފުރަތަމަ ފެންނަނީ އާދައިގެ ރޯގާއެއްގެ އަލާމާތްތައް ކަމަށް ވީނަމަވެސް، ޚާއްޞަ ސަމާލުކަމެއް ދޭންޖެހެނީ، މިބައްޔަކީ ތަންކޮޅެއް އަވަހަށް ނުރައްކާވެދާނެ ބައްޔަކަށް ވާތީ ކަމަށެވެ.

ބެކްޓީރިއާއެއްގެ ސަބަބުން ޖެހޭ މިބައްޔަކީ އިންފެކްޝަނެކެވެ. މިބެކްޓީރިއާ ހަމަލާދެނީ ހަށިގަނޑުގެ ނާރުތަކުގެ ނިޒާމަށާއި ސިކުނޑިއާ ލޭ ހޮޅިތަކަށެވެ. އެހެންވެ ބަލި ޖެހޭތާ 24 ގަޑި އިރުގެ ތެރޭގައިވެސް ބައެއް މީހުންގެ ހާލަތު ވަރަށް ނާޒުކު ދަރަޖައަކަށް ދެއެވެ. ޑޮކްޓަރ މޫސާ މުރާދު ވިދާޅުވީ، މިބެކްޓީރިއާ ސިކުނޑިއަށާއި މުޅި ހަށިގަނޑަށް ފެތުރިގެންދާ ހާލަތްތަކުގައި ބަލިމީހާގެ ފުރާނަ ގެއްލުމުގެ ފުރުޞަތު ބޮޑުވާ ކަމަށެވެ.

އިންވޭސިވް މެނިންގޯކޮކަލްއަކީ، ރާއްޖެއިން އަލަށް ފެނުނު ބައްޔެއް ނޫނެވެ. މީގެ ކުރިންވެސް މިބަލި ރާއްޖޭގައި ބައެއް މީހުންނަށް ޖެހިފައިވެއެވެ. އަދި މިބަލިން ރައްކާތެރިވުމަށް ޖަހާ މެނިންޖައިޓިސް ވެކްސިނަކީ، ރާއްޖެއިން ލިބެން ހުއްނަ ވެކްސިނެކެވެ.

އިންވޭސިވް މެނިންގޯކޮކަލްއަކީ ބޭރު ޤައުމުތަކުގައި ފެތުރޭ ބައްޔަކަށްވާތީ، ރާއްޖެއިން ބޭރަށް ޚާއްޞަކޮށް ޙައްޖާއި ޢުމްރާގެ އަޅުކަމަށް ވަޑައިގަންނަވާއިރު، މިވެކްސިން ޖެހުމަށް އެޗްޕީއޭއިން އިލްތިމާސް ކުރެއެވެ. އަދި ފުރުމުގެ 14 ދުވަސް ކުރިން ވެކްސިން ޖެހުމަކީ، ވެކްސިންގެ އަސަރު ރަނގަޅަށް ކުރާނެ ކަމެއް ކަމުގައިވެސް އެޗްޕީއޭއިން ހާމަކުރައްވާފައިވެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.