S, Feydhoiogao maruvefai ovvai fenifai vanee nepal meeheh: fuluhun

Advertisement

ފުލުހުންގެ އިދާރާ ---

26 Jun 2024

ޚަބަރު

ޢަލީ ސުލައިމާން

ސ. ފޭދޫގައި މަރުވެފައި އޮއްވައި ފެނިފައި ވަނީ ނޭޕާލް މީހެއް: ފުލުހުން

ސ. ފޭދޫގައި މޫދުތެރޭގައި މަރުވެފައި އޮއްވައި މިއަދު ހެނދުނު ފެނުނު މީހަކީ ނޭޕާލް މީހެއް ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި މަރުވެފައި އޮއްވައި ފެނިފައި ވަނީ ނޭޕާލުގެ ފިރިހެނެކެވެ. އޭނާގެ ހަށިގަނޑުގެ ބޭރުފުށުން އެއްވެސް ކަހަލަ ޒަޚަމެއް އަނިޔާއެއްގެ ނިޝާނެއް ފެންނަން ނެތްކަމަށްވެސް ޑޮކްޓަރުންނާއި ހަވާލާދީ ފުލުހުންގެ އިދާރާއިން ވިދާޅުވިއެވެ.

އެމީހާ މޫދު ތެރޭގައި މަރުވެފައި އޮއްވައި ފެނުނީ ކުނިއުކާލަށް ދިޔުމަށްފަހު އެނބުރި ނައިސްގެން ހޯދަމުން ދަނިކޮށް ކަމަށާއި، އެހާދިސާ ފުލުހުންނަށް ރިޕޯޓްކޮށްފައި ވަނީ މިއަދު ހެނދުނު 9:40 ހާއިރުގައި ކަމަށް ފުލުހުންގެ އިދާރާއިން ވިދާޅުވިއެވެ.

މިދިޔަ މަހު ސިނަމާލެ ބްރިޖް ކައިރިން ކަނޑުމަތިން މަރުވެ އޮޔާދަނިކޮށް ނޭޕާލް އަންހެނެއްގެ ހަށިގަނޑު ފެނިފައިވެއެވެ.

ފުލުހުންގެ އިދާރާއިން ވިދާޅުވެފައި ވަނީ، މަރުގެ މިމައްސަލަތަކާއި ގުޅިގެން ބަލަންޖެހޭ ކަންކަން އެއިދާރާއިން ބަލަމުން ގެންދާކަމަށެވެ.

ޚަބަރު

ކޮމެންޓް

އިތުރު އާޓިކަލް

ރުކުމަޑި ކޮންޓްރޯލް ކުރުމުގެ ދިރާސާ މަސައްކަތްތައް ފަށައިފި

އެ ވުޒާރާއިން ވިދާޅުވީ، ދިވެހިރާއްޖޭގެ ރުއްތަކަށް ގެއްލުންދޭ މިމަޑި ކޮންޓްރޯލްކުރުމަށް ތިމާވެއްޓާއި ރައްޓެހި، އަދި ދެމެހެއްޓެނިވި ޙައްލެއް ހޯދުމަށް ދިވެހިރާއްޖެއަށް އެހީތެރިކަން ފޯރުކޮށްދިނުމަށް ޗައިނާ ސަރުކާރުން އެއްބަސްވެފައިވާ ކަމަށާއި އެކަމުގެ ފަންނީ އެހީ ފޯރުކޮށް ދިނުމަށް ބޭނުންވާ ދިރާސާތަކުގެ މަސައްކަތް މިހާރު ފަށާފައިވާ ކަމަށެވެ.

ފްރާންސްމީހާގެ އާއިލާ ރާއްޖެއިން ފޮނުވާލާތީ ފާޑުކިޔަނީ

އޭނާގެ މައްސަލަ މީޑިއާގައި ފެންމަތިވުމުން، ބައެއް އާއްމުން ވަނީ، އެމީހާ އާއި އާއިލާ ރާއްޖޭގައި ވަޒަންވެރިވެ ދިރިއުޅުމަށް ފުރުޞަތު ދިނުމަށް ގޮވާލާފައެވެ. އެމީހާ އަނބުރާ ފްރާންސަށްދާން ބޭނުން ނުވަނީ، އޭނާ ހައްޔަރުކޮށް ޖަލަށްލައިފާނެތީތަކުގައި ބުނެފައިވެއެވެ.

ފެށޭ އަހަރު މަހިބަދޫގައި 100 ހައުސިންގ ޔުނިޓް އެޅުމުގެ މަސައްކަތް ފެށޭނެ - ރައީސް

އެމަނިކުފާނު މިހެން ވިދާޅުވީ، އަރިއަތޮޅު ދެކުނުބުރީގެ ބައެއް ރަށްރަށަށް ކުރައްވަމުން ގެންދަވާ ދަތުރުފުޅުގައި، މަހިބަދޫ ރައްޔިތުންނާ އިއްޔެ ބައްދަލުކުރައްވައި ދެއްކެވި ވާހަކަފުޅުގައެވެ. ރައީސުލްޖުމްހޫރިއްޔާ ވިދާޅުވި ގޮތުގައި، އަންނަ އަހަރު މަހިބަދޫގައި އަޅާ 100 ހައުސިންގ ޔުނިޓް އިމާރާތްކުރާ ނީ މިހާރު ހަދާފައިވާ ލޭންޑްޔޫސް ޕްލޭނާއި އެއްގޮތަށް މިހާރު އެރަށުގައި އޮތް ބިމުގައެވެ. އަދި އެރަށުގެ އިޙްތިސާސްގެ ތެރޭގައި ހިމަނުއްވާފައިވާ މާފަރުފަޅު ހިއްކައި ތަރައްޤީކޮށްދެއްވާނެކަމުގައިވެސް ވިދާޅުވިއެވެ.

ސީ.އައި.ޑީ.ސީ.އޭ ފޯރަމްގައި ނައިބު ރައީސް ތަޤުރީރު ކުރައްވާނެ

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، ޗައިނާ އިންޓަނޭޝަނަލް ޑިވެލޮޕްމަންޓް ކޯޕަރޭޝަން އެޖެންސީ (ސީ.އައި.ޑީ.ސީ.އޭ)އިން އިންތިޒާމްކޮށްގެން ބާއްވާ މި ފޯރަމްގެ މަގުސަދަކީ މޫސުމަށް އަންނަ ބަދަލުތަކާއި، ދެމެހެއްޓެނިވި ތަރައްޤީ ހިމެނޭ ގޮތަށް ނޫ އިޤްތިޞާދުގެ އެކި ކަންކަމަށް ސަމާލުކަންދީގެން، ޗައިނާއާއި އިންޑިއާ ކަނޑުގެ ސަރަޙައްދުގެ ޤައުމުތަކުގެ މެދުގައި އެއްބާރުލުން އިތުރުކުރުމެވެ.