ޒުވާން ނޫސްވެރިޔާ އަޙްމަދު ސާޢިލް ޢަލީ ލިޔުއްވި، ރައީސުލްޖުމްހޫރިއްޔާގެ ނައިބު ފައިޞަލް ނަސީމްގެ ބަޔޮގްރަފީ ފޮތް، އިސްލާމިކް ޔުނިވަރސިޓީގެ ޗާންސެލަރ، ޑރ ޒާހިރު ހުސައިން ނެރެދެއްވައިފިއެވެ.

މިފޮތް ނެރުމަށް ބޭއްވި ރަސްމިއްޔާތު އޮތީ ރޭ ޣިޔާޘުއްދީން އިންޓަރނޭޝަނަލް ސްކޫލުގެ ހޯލުގައެވެ. 

މިފޮތް ނެރުމަށް، "50 ފައިސަލް"ގެ ނަމުގައި ރޭ ބޭއްވި ހަރަކާތުގައި ރައީސުލްޖުމްހޫރިއްޔާ ފައިޞަލް ނަސީމާއި އެމަނިކުފާނުގެ ޢާއިލާގެ ބޭފުޅުންނާއި، ދައުލަތުގެ ވަޒީރުންނާއި، އެމަނިކުފާނުގެ ރަޙްމަތްތެރީން ބައިވެރިވިއެވެ.

ރައީސުލްޖުމްހޫރިއްޔާގެ ނައިބު ފައިޞަލް ނަސީމްގެ 50 ވަނަ އުފަންދުވަހާއި ގުޅުވައިގެން އެމަނިކުފާނުގެ ބަޔޮގްރަފީ ފޮތް ނެރުނު އިރު، އެފޮތުގައި ވަނީ، ރައީސުލްޖުމްހޫރިއްޔާގެ ނައިބުގެ ޒާތީ ޙަޔާތްޕުޅާއި، ސިޔާސީ މަސައްކަތްޕުޅާއި، އަދި ކާމިޔާބި ތަކުގެ މައްޗަށް އަލިއަޅުވާލާފައެވެ.

ރައީސުލްޖުމްހޫރިއްޔާގެ ނައިބު ފައިޞަލް ނަސީމް ވަނީ، މިބައްދަލުވުމުގައި، ބައިވެރީންނާއި މުޚާތަބު ކުރައްވައި ވާހަކަފުޅު ދައްކަވާފައެވެ. އެމަނިކުފާނުގެ ވާހަކަފުޅުގައި، އެމަނިކުފާނުގެ އިޖުތިމާޢީ އަދި ސިޔާސީ މަސައްކަތްތަކުގައި އެހީތެރިކަން ފޯރުކޮށްދެއްވި ހުރިހާ ފަރާތްތަކަށް ވަނީ ޝުކުރު އަދާކުރައްވާފައެވެ.