Advertisement

އުލްޔާ (ކ) އަދި އާން (ވ)، ފޮޓޯ: ސްވިމިން އެސޯސިއޭޝަން އޮފް ދަ މޯލްޑިވްސް

23 Jun 2024
ފެތުން
މިފްތާޙް މުޙައްމަދު

އޮލިމްޕިކްސްގައި ފެތުމުގެ ކުޅިވަރުން ރާއްޖެ ތަމްސީލު ކުރާނީ އާން އަދި ޢުލްޔާ

މި އަހަރުގެ ޖުލައި 26 ގައި ފްރާންސްގެ ޕެރިހުގައި ފެށުމަށް ހަމަޖެހިފައިވާ ދުނިޔޭގެ އޮލިމްޕިކް ގޭމްސްގައި ފެތުމުގެ ކުޅިވަރުން ދިވެހިރާއްޖެ ތަމްޞީލުކުރާނީ މުޙައްމަދު އާން ޙުސައިން އަދި ޢާއިޝަތު ޢުލްޔާ ޝާއިޤް ކަމުގައި ސްވިމިން އެސޯސިއޭޝަން އޮފް ދަ މޯލްޑިވްސް އިން ހާމަކޮށްފިއެވެ.

އޮލިމްޕިކްސްގައި ރާއްޖެ ތަމްސީލު ކުރުމަށް މި ދެ އެތުލީޓުން ހޮވުނު ގޮތަށް އަލިއަޅުވާލަމުން އެ އެސޯސިއޭޝަނުން ހާމަކޮށްފައިވާ ގޮތުގައި، އެ 2 ފުރުޞަތަކީ ޔުނިވަރސިލިޓީ ޕްލޭސަސްގެ ދެފުރުޞަތެވެ. އަދި އޮލިމްޕިކް ގޭމްސްއަށް ދާނެ ދިވެހި 2 ފެތުންތެރިން ކަނޑައެޅުނީ ވޯލްޑް އެކުއަޓިކްސްއިން ކަނޑައަޅާފައިވާ ފެތުމުގެ ވަކި މުބާރާތްތަކެއްގައި ވާދަކުރި ދިވެހި ފެތުންތެރިންގެ ތެރެއިން އެންމެ މަތިން ވޯލްޑް އެކުއަޓިކްސް ސްވިމިންގ ޕޮއިންޓް ލިބުނު އެތުލީޓުން ކަމުގައި ވެސް އެ އެސޯސިއޭޝަނުން ހާމަކޮށްފައިވެއެވެ.

މި ދެ އެތުލީޓުންގެ ތެރެއިން މުޙައްމަދު އާން ޙުސެއިންގެ އަތުގައި ފެތުމުން ރާއްޖޭގެ އިންޑިވިޖުއަލް ރެކޯޑުތަކެއް ވެސް އޮވެއެވެ. އެގޮތުން ފިރިހެނުންގެ ލޯންގް ކޯސް 50 މީޓަރު ބެކްސްޓްރޯކްގެ ރެކޯޑާއި، ފިރިހެނުންގެ ލޯންގް ކޯސް 100 މީޓަރު ފްރީސްޓައިލްގެ ރެކޯޑާއި، ފިރިހެނުންގެ ލޯންގް ކޯސް 50 މީޓަރު ފްރީސްޓައިލްގެ ރެކޯޑާއި އަދި ފިރިހެނުންގެ ޝޯޓް ކޯސް 50 މީޓަރު ފްރީސްޓައިލްގެ ރެކޯޑު އޮންނަނީ އޭނާގެ އަތުގައެވެ. މީގެ ތެރެއިން ޝޯޓް ކޯސް 50 މީޓަރު ފްރީސްޓައިލްގެ ރެކޯޑު ފިޔަވާ އެހެން ހުރިހާ ރެކޯޑަކީ ވެސް މި އަހަރު އައުކޮށްފައިވާ ރެކޯޑުތަކެވެ.

މީގެ އިތުރުން ރިލޭ ރެކޯޑުތަކުގެ ތެރޭގައި އޭނާ ހިމެނެނީ ލޯންގް ކޯސް 4x100 މީޓަރ ފްރީ ސްޓައިލް ރިލޭ އާއި، ޝޯޓް ކޯސް 4x100 މީޓަރ ފްރީ ސްޓައިލް ރިލޭ އާއި، ލޯންގް ކޯސް 4x200 މީޓަރ ފްރީ ސްޓައިލް ރިލޭ އާއި، ޝޯޓް ކޯސް 4x100 މީޓަރ ފްރީ ސްޓައިލް ރިލޭ އާއި، ޝޯޓް ކޯސް 4x200 މީޓަރ ފްރީ ސްޓައިލް އަދި ލޯންގް ކޯސް 4x100 މީޓަރ ފްރީ ސްޓައިލް މިކްސްޑް ރިލޭގައެވެ.

ޢާއިޝަތު ޢުލްޔާ ޝާއިޤްގެ އިންޑިވިޖުއަލް ރެކޯޑުތަކެއް ނެތް ނަމަވެސް ރިލޭ ރެކޯޑުތަކުގައި އޭނާ ހިމެނެއެވެ. އެގޮތުން ޝޯޓް ކޯސް 4x100 މީޓަރ ފްރީ ސްޓައިލް ރިލޭއާއި، ޝޯޓް ކޯސް 4x100 މީޓަރ މެޑްލޭ ރިލޭއާއި، ލޯންގް ކޯސް 4x100 މީޓަރ ފްރީ ސްޓައިލް މިކްސްޑް ރިލޭގެ އިތުރުން ލޯންގް ކޯސް 4x100 މީޓަރ މެޑްލޭ މިކްސްޑް ރިލޭގައި އޭނާ ހިމެނެއެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.