Advertisement

21 Jun 2024
ދީން
މިފްތާޙް މުޙައްމަދު

ލަދުވެތިކަމަކީ ނިޢުމަތެކެވެ

އަހަރެމެން މި ދިރިއުޅޭ މުޖުތަމަޢުގައި ލަދުވެތިކަން އިސްކުރާ މީހުންނަކީ ނިކަމެތި ބައެއްގެ ގޮތުގައި ބައެއް މީހުން ސިފަކުރެއެވެ. އަދި އެމީހުންނަކީ އިޖުތިމާޢީ ގިނަ ކަންކަމާ ދުރުދުރުން އުޅޭ ބައެއްގެ ގޮތުގައި ވާހަކަ ދެކެވެއެވެ. ޙާއްސަކޮށް ޢީދު ފަދަ މުނާސަބާތަކުގައި މިފަދަ ވާހަކަތަކަކީ ގިނަގިނައިން ދެކެވޭ ވާހަކަތަކެކެވެ.

ނަމަވެސް އެންމެންނަކީ އެއް ކަންތައްތަކަކަށް ޝައުގުވެރިކަން ހުންނާނެ ބައެއް ނޫނެވެ. އަދި މީހުން އެއްވެ އުޅޭ ތަންތަނަށް ގޮސް، އެތަނަށް އެއްވެ ތިބި އެންމެންގެ ސަމާލުކަން ލިބޭ ގޮތަށް އުޅުމަކީ ވެސް ކޮންމެ މީހަކު ބޭނުންވާނެ ގޮތެއް ނޫނެވެ. މީގެ އިތުރުން، ޢީދު ފަދަ މުނާސަބާތަކާއި ގުޅުވައި ވިޔަސް، އެމީހެއްގެ ގަބޫލުކުރުންތަކާ ޚިލާފުކަންކަން ނުކުރުމަށް، ނުވަތަ އެކަންކަމުގެ މައްޗަށް ލަދުވެތިކަން އިސްކުރުމަކީ ބުއްދިވެރީންގެ ސިފައެކެވެ.

ލަދުވެތިކަމަކީ އެންމެހައި ނުބައިކަންކަމާ ދުރުހެލިވުމަށް ބާރުއަޅާ، އަދި ޙައްޤުގެ ވެރިޔާއަށް އޭނާގެ އެ ޙައްޤު ލިބިދިނުމަށް ހުރަސްއަޅާ ކަންކަމާ ދެކޮޅުވެރިވުމުގެ ރޫޙު އުފައްދައިދޭ ކަމެއްކަމުގައި ދީނީ ޢިލްމުވެރިން ފާހަގަކުރާ ކަމެކެވެ. މީގެ މާނައަކީ، ލަދުވެތި މީހަކީ މީހެއްގެ ހައްޤަކަށް އަރައިގަންނާނެ މީހެއް ނޫންކަމެވެ. ނުވަތަ އެފަދަ މީހަކީ އެހެން މީހުންގެ ހައްޤުތައް އަދާކުރުމުގައި އަޙުދުތަކާއި ވަޢުދުތަކަށް އިޙުތިރާމްކުރާނެ ބައެއްކަމެވެ.

މި އަހަރުގެ ޢަލްޙާ ޢީދަށްފަހު އައި ފުރަތަމަ ހުކުރު ޚުޠުބާގައި ފާހަގަކޮށްފައިވާ ގޮތުން، ލަދުވެތިކަމުގެ މި މާތްސިފައިގެ މުހިންމުކަމުން ކީރިތި މާތް ނަބިއްޔާ މި ސިފަ ގެންނަވާފައިވަނީ އީމާންކަމުގެ ތެރެއިންނެވެ. އަދި މި ސިފަ ހުރެއްޖެ މީހަކު، އެ ސިފައިގެ ސަބަބުން ފާފަތަކަށް އަރައިގަތުން މަނާ ކުރާނެ ކަމަށާއި، ލަދުވެތިކަމަކީ ހެޔޮކަމެއްކަމުގައި ނަބިއްޔާ ހަދީޘް ކުރައްވާފައިވާކަމެކެވެ.

ޚުޠުބާގައި އިތުރަށް ފާހަގަކޮށްފައިވާ ގޮތުން، ހިތާމައަކީ މިއަދު އަހަރެމެންގެ ތެރެއިން ބައެއް މީހުން ލަދުވެތިކަމާއި ޢިއްފަތްތެރިކަމުގެ މި ރިވެތި ސިފައިން ބޭރުވެފައިވުމެވެ. އަދި ހެދުން އެޅުމާއި، މުޢާމަލާތް ކުރުމާއި، ދިރިއުޅުމުގެ ކަންކަމުގެ ތެރެއިން ލަދުވެތިކަމުގެ މާތް ސިފަ ނެތެމުންދާ ތަން ފެނުނެވެ. މީސް މީޑިއާގެ އެކިއެކި މަންސަތަކުގައި މީސްތަކުން ޙަރަކާތްތެރިވަމުން އެ ދަނީ ލަދުވެތިކަމުގެ ފޭރާން އެކީއެކަށް އެއް ފަރާތް ކުރުމަށްފަހުއެވެ. އެކިއެކި ފާޙިޝް މަންޒަރުތައް ހިމެނޭ ވީޑިއޯ ފަދަ ތަކެތި ހިއްސާކުރަމުން އެ ދަނީ ހިތުގައި ކުޑަ ވެސް ބިރުވެތިކަމެއް ނެތިއެވެ.

މިކަމަށް އަދުގެ މުޖުތަމައުން ސަމާލުކަން ދޭންޖެހޭ މިންވަރަށް ޚުޠުބާގައި ވަނީ ވަރަށް ބޮޑަށް އަލިއަޅުވާލާފައެވެ. އެހެނީ ލަދުވެތިކަމަކީ ތިމާއާއި ފާހިޝްކަންތައްތަކާއި މެދުގައިވާ ހުރަހެކެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.