ހދ. ނޮޅިވަރަމްގައި އެރަށު ބަނދަރުގެ ތެރެއަށް ސައިކަލާއި އެކު ވެއްޓުނު ޒުވާނަކު މަރުވެއްޖެއެވެ.

ފުލުހުންގެ އިދާރާއިން ވިދާޅުވީ، ސައިކަލާއި އެކު މޫދަށް ވެއްޓުނު ޒުވާނާއަކީ، އުމުރުން 32 އަހަރަުގެ ދިވެހި ކަމަށެެވެ. އަދި އޭނާ ނިޔާވީ، ނޮޅިވަރަމް ހެލްތު ސެންޓަރުގައި ފަރުވާ ދެމުން ދަނިކޮށް ކަމަށާއި، ހާދިސާ ފުލުހުންނަށް ރިޕޯޓްކޮށްފައި ވަނީ ރޭގެ 21:15 ހާއިރުގައި ކަމަށް ވެސް ފުލުހުންގެ އިދާރާއިން ވިދާޅުވިއެވެ.

ފުލުހުންގެ އިދާރާއިން ވިދާޅުވީ އެހާދިސާ ތަޙްޤީޤު ކުރަމުން އަންނަ ކަމަށެވެ.

ނޮޅިވަރަމްގެ ރައްޔިތެއްގެ ފަރާތުން މައުލޫމާތު ލިބުނު ގޮތުގައި، ބަނދަރަށް ސައިކަލާއި އެކު ވެއްޓުނު އެޒުވާނާއަކީ، ފިޓް ޖެހޭ މީހެކެވެ. މީގެ ކުރިންވެސް އޭނާ ސައިކަލާއި އެކު މޫދަށް ވެއްޓުމުގެ ހާދިސާއެއް ހިނގާފައިވެއެވެ.