Advertisement
ޕީއެސްއެމް އެއަރ އެޕްލިކޭޝަން އެކުންފުނީގެ މެނޭޖިންގ ޑައިރެކްޓަރ އިފްތިތާޙްކޮށްދެއްވުން -- ފޮޓޯ: ޕީއެސްއެމް
ޔޫރޯ ފުޓުބޯޅަ މުބާރާތާއިއެކު ޕީއެސްއެމްގެ ޗެނަލްތައް ހިލޭ ބަލައި އަދި އަޑު އެހޭނެ އެޕެއް ތަޢާރަފްކޮށްފި
ޔޫރޯ ފުޓުބޯޅާ މުބާރާތް ހިމެނޭހެން ޕީއެސްއެމްގެ ޓީވީ އަދި ރޭޑިއޯގެ ގިނަ ޗެނަލްތައް ހިލޭ ބަލާލެވޭނެ އެޕެއް އެކުންފުނިން ތަޢާރަފްކޮށްފިއެވެ.
ޕީއެސްއެމްއިން ހާމަކޮށްފައިވާ ގޮތުގައި ޕީއެސްއެމް އެއަރ ގެ ނަންދީފައިވާ މިއެޕް މިހާރު، އެޕް ސްޓޯއިންނާއި ގޫގުލް ސްޓޯރ އިން ހިލޭ ޑައުންލޯޑް ކުރެވޭނެއެވެ. އަދި މި އެޕް އިން، ޕީއެސްއެމްގެ ގިނަ ޗަނަލްތަކެއް އޮލައިންކޮށް ބެލޭނެ ކަމުގައިވެސް އެކުންފުނިން ހާމަކޮށްފައިވެއެވެ. މިގޮތުން، ޔެސް ޓީވީ އާއި ޕީއެސްއެމް ނިއުސް އަދި ދިވެހިރާއްޖޭގެ އަށާއި ދިއެފްއެމް އަދި ދީނުގެ އަޑުގެ ޕްރޮގްރާމްތައް ބަލައި އަޑުއެހޭނެއެވެ.
މި އެޕް އިފްތިތާޙްކޮށްފައިވަނީ، ޕީއެސްއެމްއިން ގެނެސްދޭ ޔޫރޯ ފުޓުބޯޅަ މުބާރާތުގެ ކަވަރޭޖްގެ ތެރޭގައި މިއަދުގެ ޝޯވ ގައެވެ.
