އިއްޔެ ރޭ ތިލަމާލެ ބްރިޖު ސައިޓްގައި މަސައްކަތް ކުރަމުންދިޔަ އިންޑިއާގެ ރައްޔިތަކު ނިޔާވި މައްސަލަ ތަޙްޤީޤު ކުރަމުންދާ ކަމުގައި ކޮންސްޓްރަކްޝަން މިނިސްޓްރީން ވިދާޅުވެއްޖެއެވެ.

އެ މިނިސްޓްރީން ވިދާޅުވީ،  އެ ހާދިސާ ކޮންޓްރެކްޓަރާއި ކަމާބެހޭ ފަރާތްތަކާއި ގުޅިގެންދަނީ ތަޙުގީޤުކުރަމުންދާކަމަށެވެ. އެހެންނަމަވެސް އެއީ ކިހިނެއް ހިނގައި ދިހަ ހާދިސާއެއް ކަމެއް މިނިސްޓްރީ ހާމަކޮށްފައެއް ނުވެއެވެ.

ކޮންސްޓްރަކްޝަން މިނިސްޓްރީން ވަނީ، އިއްޔެރޭ ނިޔާވި އެމީހާއަކީ، ސިނަމާލެ ބްރިޖުގެ މަސައްކަތުގައި އުޅުނު މީހެއްކަމަށް މީޑިއާގައި ފެތުރުނު މައުލޫމާތަކީ ދޮގު މައުލޫމާތެއް ކަމުގައިވެސް ވިދާޅުވެފައެވެ. އެހެން ނަމަވެސް މީޑިއާތަކުން އެގޮތަށް ރިޕޯޓްކޮށްފައި ވަނީ ފުލުހުން މީޑިއާއަށް މައުލޫމާތު ދިން އިރު އެމީހާއަކީ ސިނަމާލެ ބްރިޖުގެ މަސައްކަތެއްގައި އުޅުނު މީހެއް ކަމަށް ވިދާޅުމުންނެވެ. ފަހުން ފުލުހުންވެސް ވަނީ އެމީހާއަކީ ސިނަމާލެ ބުރިޖުގެ މަސައްކަތެއްގައި އުޅުނު މީހެއްކަމުގައި ހާމަކުރެވިފައި ވަނީ މައުލޫމާތުގެ އޮޅުމަކުން ކަމަށް ވިދާޅުވެފައެވެ. 

އިއްޔެ ރޭ ނިޔާވި އެމީހާއަކީ އިންޑިއާއަށް ނިސްބަތްވާ ފިރިހެނެކެވެ.