އިއްޔެ ރޭ މަރުވި މީހާއަކީ، ތިލަ މާލެ ބުރިޖުގެ މަސައްކަތުގައި އުޅެނިކޮށް މަރުވި މީހެއް ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

އެހެން ނަމަވެސް ފުލުހުންގެ އިދާރާއިން ކުރިން ވިދާޅުވީ، އެމީހާއަކީ، ސިނަމާލެ ބުރިޖުގެ މަސައްކަތުގައި އުޅުނު މީހެއް ކަމަށެވެ. އެހެން ނަމަވެސް ފަހުން ފުުލުހުން މީޑިއާއަށް މިއަދު ފޮނުވި މެސެޖުގައި ވިދާޅުވީ، އެމީހާއަކީ ސިނަ މާލެ ބުރިޖުގެ މަސައްކަތެއްގައި އުޅުނު މީހެއް ކަމުގައި ދެންނެވުނީ މައުލޫމާތު ލިބުމުގައި އަރާފައިވާ އޮޅުމެއްގެ ސަބަބުން ކަމަށެވެ.

އިއްޔެ ރޭ އެމީހާ ޓްރީޓޮޕް ހޮސްޕިޓަލަށް ގެންގޮސްފައި ވަނީ މަސައްކަތުގައި އުޅެނިކޮށް އަނބުރައިގަނެގެން ކަމަށާއި، އޭނާ ހޮސްޕިޓަލަށް ގެންދިޔަ އިރުވެސް މަރުވެފައިވާ ކަމަށް ޑޮކްޓަރުންނާއި ހަވާލާދީ ފުލުހުން ވަނީ ވިދާޅުވެފައެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި މަރުވި މީހާއަކީ އިންޑިއާ ފިރިހެނެކެވެ.