ދިރާގުގެ "ވިން އަ ޓެސްލާ" ޕްރޮމޯޝަންގެ ގުރުއަތުން މުހައްމަދު މުސްތަފާއަށް ކާރު ލިބިއްޖެއެވެ.

ޓެސްލާ ކާރު ލިބޭ ފަރާތް ހޮވުމަށް ގުރުއަތު ނަގާފައި ވަނީ، މިރޭ ހުޅުމާލެ ސެންޓްރަލް ޕާކުގައި ބޭއްވި ޢީދު ޝޯވ ގައެވެ.

ދިރާގުގެ "ވިން އަ ޓެސްލާ" ޕްރޮމޯޝަންގެ ގުރުއަތުން އެކާރު ލިބުނު މުހައްމަދު މުސްތަފާއަކީ ކ. ތުލުސްދޫއަށް ނިސްބަތްވާ މީހެކެވެ.

މިއީ މިހާތަނަށް ރާއްޖޭގައި ހިންގި ޕްރޮމޯޝަނެއްގައި މީހަކަށް ލިބުނު އެންމެ އަގުބޮޑު އިނާމެވެ.

ދިރާގުގެ "ވިން އަ ޓެސްލާ" ޕްރޮމޯޝަން ކުރިޔަށް ގެންގޮސްފައި ވަނީ އެކުންފުނީގެ 35 ވަނަ އަހަރީ ދުވަހާއި ގުޅުވައިގެންނެވެ. 

މިޕްރޮމޯޝަންގައި ބައިވެރިކޮށްފައި ވަނީ، ދިރާގު ޕޯސްޓްޕެއިޑް 450 ނުވަތަ ފައިބަރ ބްރޯޑްބޭންޑް 30M އިން މަތީގެ ޕެކޭޖްތައް އެކްޓިވޭޓްކޮށްފައިވާ އަދި ޖޫންމަހާއި ހަމައަށް ޚިދުމަތުގައި ދެމިތިބި ދިރާގުގެ ކަސްޓަމަރުންނެވެ.