ފަލަސްޠީނުގެ ރައްޔިތުންނަށް އެހީވުމަށްޓަކައި ޤައުމީ ފެންވަރުގައި ބާއްވާ 'ފަލަސްޠީނާއެކު ދިވެހީން' ޓެލެތޯނަށް، ޤައުމީ ދިފާއީބާރުން 2.1 މިލިޔަން ރުފިޔާ ހަދިޔާކޮށްފިއެވެ.

ޤައުމީ ދިފާޢީބާރުން ހަދިޔާކުރި މިފައިސާގެ ރަމްޒީ ލިޔުން، ޕީއެސްއެމްގެ މެނޭޖްމެންޓާއި ހަވާލުކޮށްދެއްވީ، ޑިފެންސް މިނިސްޓަރ ޣައްސާނު މައުމޫނާއި، ޗީފް އޮފް ޑިފެންސްފޯސް ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ޙިލްމީއެވެ.

ޤައުމީ ދިފާޢީ ބާރުން ވަނީ، ޖުމްލަ 2,169,826.32 (ދެމިލިއަން އެއްލައްކަ ފަސްދޮޅަސް ނުވަހާސް އަށްސަތޭކަ ސައްބީސް ރުފިޔާ ތިރީސް ދެލާރި) ރުފިޔާ، ފަލަސްތީނު ފަންޑަށް ހަދިޔާ ކޮށްފައެވެ.

މިއަދުގެ 08:00 އިން މެންދަމު 00:00 އަށް ކުރިއަށް ގެންދާ މި ޓެލެތޯނަށް ހަވީރު 5 ޖެހުމާއި ހަމައަށް، 6.6 މިލިޔަން ރުފިޔާ އާއި 14000 ވުރެ ގިނަ ޑޮލަރު ލިބިފައެވެ.