Advertisement
ރަސްމާލެ ބިން ހިއްކުން ---
ބިން ހިއްކުން ކުރިޔަށް ގެންދަން އަލުން ހުއްދަ ދީފި
ރާއްޖެގެ ފަރުތަކަށް ދިމާވަމުން އަންނަ ގާ ހުދުވުމުގެ މައްސަލަތަކާއި ގުޅިގެން ބިން ހިއްކުމާއި ފަޅު ފުންކުރުމުގެ ހުރިހާ މަޝްރޫއުތަކެއް ވަގުތީ ގޮތުން މަޑު ޖައްސާލުމަށް އެންގި އެންގުން އުވާލައިފިއެވެ.
ގާހުދުވުމާއި (ކޮރަލް ބްލީޗިންގ) ގުޅިގެން ފަރުތަކަށް ކުރާ ނޭދެވޭ އަސަރު ކުޑަކުރުމުގެ ގޮތުން ޢުމުރާނީ ތަރައްޤީއަށް ހިންގާ ބައެއް މަޝްރޫއުތައް ވަގުތީ ގޮތުން ހުއްޓާލުމަށް، އެންވަޔަރަންމަންޓަލް ޕްރޮޓެކްޝަން އޭޖެންސީން އެންގީ ހުސްވި މެއި މަހުގެ ފުރަތަމަ ހަފްތާގެ ތެރޭގައެވެ. މިގޮތުން މަޝްރޫޢުތައް މަޑުޖައްސާލުމަށް އަންގާފައި އޮތީ ޖޫން މަހުގެ 10 ވަނަ ދުވަހާއި ހަަމައަށެވެ. އެމުއްދަތު ހޯމަ ދުވަހަށް ހަމަވުމާއި އެކު ފިޔަވަޅުތައް އުވާލާފައިވާ ކަމުގައި އެންވަޔަރަންމަންޓް މިނިސްޓްރީން ވަނީ ބުނެފައެވެ.
އެންވަޔަރަމަންޓް މިނިސްޓްރީން ހާމަކޮށްފައިވާ ގޮތުގައި ކަނޑުގެ ލޮނުގަނޑުގެ ހޫނުމިން މިހާރު ވަނީ ދަށަށްދާން ފަށާފައެވެ. އަދި ގައު ހުދުވުމުގެ މައްސަލަ އާއި ގުޅިގެން ނެރެފައިވާ އެލާޓް ލެވެލްވެސް ވަނީ ދަށްކޮށްފައެވެ.
ރާއްޖޭގެ ފަރުތަަކަށް ދިމާވަމުން އައި ގައު ހުދުވުމުގެ މައްސަލަ އާއި ގުޅިގެން އެއްމަސްދުވަހުގެ މުއްދަތަށް ވަނީ، ބިންހިއްކުމާއި ފަޅުފުންކުރުމުގެ މަޝްރޫޢުތައް ވަގުތީ ގޮތުން ހުއްޓުވާލާފައެވެ.
