ރާއްޖޭގެ ސަރަހައްދުތަކަށް މިދުވަސްވަރު ވަރަށް ހޫނު ގަދަވެފައިވަނިކޮށް މާލެ ސަރަހައްދަށް މިރޭ އާދަޔާޚިލާފަށް ބޯކޮށް ވާރޭވެހިއްޖެއެވެ.

މޫސުމާއި ބެހޭ ޤައުމީ އިދާރާއިން މިހާރު ވަނީ، މާލެ އަތޮޅުންފެށިގެން މ އަތޮޅާއި ދެމެދުގެ އަތޮޅުތަކަށް ރީނދޫ ސަމާލުވެސް ނެރެފައެވެ.

މޫސުމާއި ބެހޭ ޤައުމީ އިދާރާއިން ލަފާކޮށްފައިވާ ގޮތުގައި، މާލެއިން ފެށިގެން މ އަތޮޅާއި ދެމެދުގެ ރަށްތަކަށް، މިރޭގެ މެންދަމު 1:00 އާއި ދެމެދު ބޯކޮށް ވާރޭވެހި ވިދައި ގުގުރުން އެކަށީގެން ވެއެވެ.

ރާއްޖޭގެ ސަރަހަށްދަށް މިދުވަސް ވަރު އާދަޔާއި ޚިލާފަށް ހޫނުގަދައެވެ. އިއްޔެއާ މިއަދުވެސް މުޅި ރާއްޖޭގައިވެސް އިހްސާސްކުރެވޭ ފިނި ހޫނުމިން ހުރީ 40 ޑިގްރީ ސެލްސިއަސްއަށް ވުރެ މަތީގައެވެ.

މިރޭ މާލެ ސަރަހައްދަށް ބޯކޮށް ވާރޭ ވެހުމުގެ ސަބަބުން މާލޭ ގެ ބައެއް މަގުތަކުގައި ވަނީ ފެންބޮޑުވެފައެވެ.