ހުސްވި މެއި މަހުގެ 23 ވަނަ ދުވަހު ރ. އުނގޫފާރުގައި ކަރަންޓްގައި ޖެހުނު ކުދަކުއްޖަކު ސަލާމަތް ކުރަން އުޅުމުގެ ތެރޭގައި ކަރަންޓްގައި ޖެހުނު 18 އަހަރުގެ ޒުވާނާ ނިޔާވެއްޖެއެވެ.

އެޒުވާނާ ނިޔާވީ، ކަރަންޓްގަިއ ޖެހުމުގެ ސަބަބުން، ދިމާވި ޞިއްޙީ މައްސަލަތަކަށް އައިޖީއެމްއެޗްގައި ފަރުވާދެމުންދަނިކޮށް މިއަދު އެވެ.

މިހާދިސާގައި ނިޔާވީ، ރ. އުނގޫފާރު،  ދޫނިހުރާ ، ހުސައިން އަތީކް (18އ)އެވެ. އޭނާއަށް އެންމެ ފުރަތަމަ ފަރުވާދީފައި ވަނީ ރ، އުނގޫފާރު ރީޖަނަލް ހޮސްޕިޓަލުގައެވެ. އަދި އޭނާ މާލެ ގެނެސް އައިޖީއެމްއެޗްގެ އައިސީޔޫގައި ބާއްވައިގެން ފަރުވާ ދޭން ފަށާފައި ވަނީ، އޭގެ ތިން ދުވަސް ފަހުން، މެއި މަހުގެ 26 ވަނަ ދުވަހުން ފެށިގެންނެވެ.

ކަރަންޓްގައި ޖެހުމުގެ ސަބަބުން އެޒުވާނާގެ ސިކުނޑިއާއި އެތެރެހަށީގެ އެހެން ގުނަވަންތަކަށް ގެއްލުންތައް ލިބުނެވެ.