4 މީހުންނާއެކު، ޅ. އަތޮޅަށް ދަތުރުކުރި "ލޫން 2" ނަމަކަށް ކިޔާ ދޯންޏެއް، ކ.ހެލެގެލި ކައިރިން ދިޔަވެ އަޑިއަށް ހިނގައްޖެއެވެ.

އެމްއެންޑީއެފް އިން ވިދާޅުވީ، މިހާދިސާ ގެ ރިޕޯޓް އެމްއެންޑީއެފް ކޯސްޓްގާޑަށް ލިބިފައި ވަނީ، މިރޭގެ 20:52 ހާއިރުގައި ކަމަށެވެ.

އަދި އެދޯންޏަށް، އެމްއެންޑީއެފް މާލެ އޭރިއާ ކޮމާންޑް، ކޯސްގާޑް ސެކަންޑް ސްކޮޑްރަންއިން އެހީތެރިކަން ފޯރުކޮށްދޭން ފަށާފައިވާ ކަމުގައިވެސް އެމްއެންޑީއެފުން ވިދާޅުވިއެވެ. 

ދޯނި ދިޔަވުމުގެ މިހާދިސާ ހިނގީ، އެދޯނި ކަނޑުއޮޅިން ނުކުންނަށް އުޅުމުގެ ތެރޭގައި ގަލެއްގައިޖެހިގެންކަމުގެ މަޢުލޫމާތު ލިބިފައިވާ ކަމުގަވެސް އެމްއެންޑީއެފުން ވިދާޅުވިއެވެ.