ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ޖުޑިޝަލް ސަރވިސް ކޮމިޝަނަށް, އަބްދުއްރަޙީމާއި ރިޒާ އައްޔަނު ކުރައްވައިފިއެވެ.

މިދެބޭފުޅުން ޖުޑިޝަލް ސަރވިސް ކޮމިޝަނަށް, އައްޔަނުކުރައްވައި މެމްބަރު ކަމުގެ ހުވާކުރެއްވުމާއި، މަޤާމުގެ ފަތްކޮޅު ހަވާލުކުރެއްވުމަށް ބޭއްވި ރަސްމިއްޔާތު އޮތީ މިއަދު މެންދުރު ކުރީގައި ރައީސުލްޖުމްހޫރިއްޔާގެ އޮފީހުގައެވެ.

މިދެބޭފުޅުންނަށް، ޖުޑިޝަލް ސަރވިސް ކޮމިޝަންގެ މެމްބަރުކަމުގެ ހުވައި ލައިދެއްވީ، ސުޕްރީމް ކޯޓްގެ ފަނޑިޔާރު އޮނަރަބަލް ޑޮކްޓަރ މުޙައްމަދު އިބްރާހީމެވެ.

ޖުޑީޝަލް ސަރވިސްކޮމިޝަނަރަށް ޢަބްދުއްރަޙީމް ޢަބްދުﷲ ޢައްޔަނުކުރައްވާފައިވަނީ، ރައްޔިތުންގެ މަޖިލީހުގެ ރައީސްގެ ހައިސިއްޔަތުންނެވެ. ރައްޔިތުންގެ މަޖިލީހުގެ މާފުށި ދާއިރާގެ ޢިއްޒަތްތެރި މެންބަރު ކ.ގުރައިދޫ، ސީވީޑް ޙުސައިން ރިޟާ އާދަމް އެކޮމިޝަނަށް އައްޔަނުކުރައްވާފައި ވަނީ، ރައްޔިތުންގެ މަޖިލީހުގެ މެމްބަރުންގެ ތެރެއިން، ޖުޑިޝަލް ސަރވިސް ކޮމިޝަނަށް, ޢައްޔަނުކުރައްވާ މެމްބަރުގެ ގޮތުގައެވެ.

ޖުޑީޝަލް ސަރވިސް ކޮމިޝަން އެކުލެވިގެންވާ ގޮތަށް ބަލާއިރު، މިހާރު އެކޮމިޝަންގެ ކޮންޓްރޯލް އޮތީ ސަރުކާރު ހިންގާ ޕާޓީއަށެވެ.