20 ވަނަ ރައްޔިތުންގެ މަޖިލީހުގެ ޤަވާއިދު އެކުލަވާލެއްވުމުގައި ފަހުގައި މަޖިލީހުގައި ދޮރުވެރިކަމާ ގުޅުންހުރި ކަންކަމަށް ޚާއްޞަ ކޮމިޓީއެއް އުފައްދަވާނެ ކަމުގައި، ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެމްބަރު އަޙްމަދު ނާޒިމް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ދައުލަތުގެ މީޑިއާ ޕިއެސްއެމްގެ ރާއްޖެ މިއަދު ޕްރޮގްރާމްގައި ބައިވެރިވެވަޑައިގެން ރޭ ދެއްކެވި ވާހަކަފުޅުގައެވެ.

ރާއްޖޭގައި ބޯހިޔާވަހިކަމުގެ މައްސަލަތަކަކީ އަބަދުވެސް އެންމެ ބޮޑު މައްސަލައެވެ. ޚާއްޞަކޮށް މާލެ ސަރަހައްދުގައި ބޯހިޔާވަހިކަމުގެ ދަތިކަމުގެ މައްސަލަ ބޮޑުވެފައިވެއެވެ.

ރާއްޖެ މިއަދު ޕްރޮގްރާމްގައި ވާހަކަފުޅު ދައްކަވަމުން ނާޒިމް ވިދާޅުވީ، މަޖިލީހުގައި އެކުލަވާލެވޭ އެކޮމިޓީ އަންނަ ޖޫމަހުގެ ތެރޭގަިއ އުފެއްދޭނެ ކަމަށް ދެކެވަޑައިގަންނަވާ ކަމަށެވެ. އަދި އެކޮމިޓީޣެ މަސައްކަތަކަށްވެސް ވެގެންދާނޫ ގެދޮރުވެރިކަމުގެ މައްސަލަތަކަށް މިހާރު ދިމާވެފައިވާ ދަތިތަކަށް ހައްލު ހޯއްދަިއ ދިނުންކަމުގައިވެސް އެމަނިކުފާނު ވިދާޅުވިއެވެ.

މަޖިލީހުގެ ނައިބު ރައީސް އަޙްމަދު ނާޒިމް ވިދާޅުވީ، މަޖިލީހުގެ ކޮމިޓީއެއްގެ ތެރެއިން އެމައްސަކަތް ކުރެވިގެން ދިޔުމަކީ ގެދޮރުވެރިކަަމުގެ މައްސަލަތައް ޙައްލުކުރުމަށް އެޅޭ ވަރަށް ބޮޑު ބާރަކަށް ވެގެންދާނެ ކަމަށެވެ. އަދި ގެދޮރުވެރިކަމުގެ މައްސަލަތައް 5 އަހަރުގެ ތެރޭގަިއ ޙައްލުކޮށްދެއްވުމަށް ރައީސް ޑރ. މުޙައްމަދު މުޢިއްޒު ވަޢުދުވެވަޑަިއގެންފައިވާކަންވެސް މަޖިލީހުގެ ނައިބު ރައީސް އަޙްމަދު ނާޒިމް ފާހަގަކުރެއްވިއެވެ.

އެހެންކަމުން އެކޮމިޓީ ވެގެންދާނީ މިހާރު ހުރި މައްސަލަތައް ދެނެގަނެ، އެމައްސަލަ ޙައްލުކޮށްދޭެނެ ކޮމިޓީއަކަށް ކަމުގައިވެސް ނާޒިމް ވިދާޅުވިއެވެ.

މާލެ ސަރަހައްދުގެ ބޯހިޔާވަހިކަމުގެ ދަތިކަމުގެ މައްސަލަ ތަކުގެ ޙައްލެއްގެ ގޮތުގައި، މިސަރުކާރުން ހުސްވި އަހަރުގެ ޑިސެމްބަރު މަހުގެ ތެރޭގައި، މާލެ އަތޮޅު ފުށި ދިއްގަރުފަޅުގައި ރަސްމާލޭގެ ނަމުގައި ސިޓީއެއް ތަރައްޤީ ކުރުމުގެ މަސައްކަތް ފެށިއެވެ. އެހެން ނަމަވެސް 5 މަސް ދުވަސް ވީއިރު އެމަޝްރޫޢު އޮތީ ހުއްޓިފައެވެ.