ޤާނޫނު އަސާސީގެ 82 ވަނަ މާއްދާގެ (ހ) ގައިވާ ގޮތުގެ މަތިން ރައްޔިތުންގެ މަޖިލީހުގެ ރައީސް ކަމުގެ މަޤާމަށް, ފޮނަދޫ ދާއިރާގެ މެމްބަރު ޢަަބްދުއްރަހީމް ޢަބުދުﷲ ހޮވައިފިއެވެ.

ރައްޔިތުންގެ މަޖިލީހުގެ ރައީސްގެ މަޤާމަށް ޢަބުދުއްރަޙީމާއި ވާދަކުރައްވާފައި ވަނީ، ހިތަދޫ ދެކުނު ދާއިރާގެ މެމްބަރު އިބްރާހީމް ނާޒިލްއެވެ. މަޖިލީހުގެ މިއަދުގެ ޖަލްސާގައި ނެގި ސިއްރު ވޯޓުގައި މަޖިލީހުގެ 92 މެމްބަރުން ބައިވެރިވެވަޑައިގެންނެވިއެވެ. އެ މެމްބަރުންގެ ތެރެއިން މަޖިލީހުގެ 71 މެމްބަރު ވޯޓު ދެއްވީ، ޢަބުދުއްރަޙީމް މަޖިލީހުގެ ރައީސް ކަމަށް ހޮވުމަށެވެ. ނާޒިލްއަށް ވޯޓު ދެއްވީ 14 މެމްބަރުންނެވެ. ބާޠިލް 7 ވޯޓު އޮތެވެ. ޞައްޙަ ވޯޓުގެ އަދަދަކީ 85 އެވެ.