ރައްޔިތުންގެ މަޖިލީހުގެ ރައީސާއި ނައިބު ރައީސް ހޮވުމުގެ ކަންކަން ކުރިޔަށް ގެންދިޔުމަށް ކޮމިޓީއެއް ހޮވައިފިއެވެ.

މިކޮމިޓީއަށް ނަންތައް ހުށައެޅުއްވީ، ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު، އިބްރާހީމް ފަލާޙެވެ. އަދި އެހުށައެޅުމަށް ތާއީދު ކުރެއްވީ، ރައްޔިތުންގެ މަޖިލީހުގެ ބާރަށު ދާއިރާގެ މެމްބަރު އިބްރާހީމް ޝުޖާއުއެވެ.

މަޖިލީހުގެ ރައީސާއި ނައިބުރައީސް އިންތިޚާބު ކުރުމަށް ނަގާ ސިއްރު ވޯޓުގެ ގުނުމަށް އެކުލަވާލި ކޮމިޓީ:

1- ރައްޔިތުންގެ މަޖިލީހުގެ ފޭދޫ ދެކުނު ދާއިރާގެ އިއްޒަތްތެރި މެމްބަރު އިބްރާހީމް ދީދީ (ޕީއެންސީ)

2- ރައްޔިތުންގެ މަޖިލީހުގެ ހަނިމާދޫ ދާއިރާގެ އިއްޒަތްތެރި މެމްބަރު ޢަބްދުލްޤަފޫރް މޫސާ (އެމްޑީޕީ)

3- ރައްޔިތުންގެ މަޖިލީހުގެ މާމިގިލީ ދާއިރާގެ އިއްޒަތްތެރި ޤާސިމް އިބްރާހީމް (ޖޭޕީ)

4- ރައްޔިތުންގެ މަޖިލީހުގެ މާފަންނު އުތުރު ދާއިރާގެ އިއްޒަތްތެރި ކާނަލް މުޙައްމަދު ނާޒިމް (އެމްއެންޕީ)

5- ރައްޔިތުންގެ މަޖިލީހުގެ ވެލިދޫ ދާއިރާގެ އިއްޒަތްތެރި މެމްބަރު މުޙައްމަދު ޢައްބާސް (އެމްޑީއޭ)

މިކޮމިޓީއަށް ވޯޓަށް އެހުމުން ކޮމިޓީ ފާސްކުރުމަށް ރައްޔިތުންގެ މަޖިލީހުގެ 92 މެމްބަރުން ވަނީ ވޯޓު ދެއްވާފައެވެ.