މާލެ ސަރަހައްދުގައި އެއްދުވަހަކަށް އެންމެ ގިނައިން ކަރަންޓް ބޭނުންކޮށްފައި ވަނީ މިއަދު ކަމަށާއި، މިއަދު މެންދުރު 2:10ގައި ޕީކް ލޯޑް 102 މެގަވޮޓްއަށް މައްޗަށް ދިޔަ ކަމުގައި ސްޓެލްކޯއިން ވިދާޅުވެއްޖެއެވެ.

ސްޓެލްކޯއިން ވިދާޅުވީ، މިއީ މިހާތަނަށް އެންމެ ގިނައިން ކަރަންޓް ބޭނުން ކުރެވުނު ކަމަށް ރިކޯޑް ކުރެވުނު ދުވަސް ކަމަށެވެ. އޭގެ ކުރިން އެންމެ ގިނައިން ކަރަންޓް ބޭނުން ކުރި ކަމަށް ރެކޯޑް ކުރެވުނީ، މިމަހުގެ 11 ވަނަ ދުވަހުއެވެ. އެދުވަހު ޕީކްލޯޑް 92.5

ސްޓެލްކޯއިން ވިދާޅުވީ، މާލެ ސަރަހައްދުގައި ކަރަންޓް ބޭނުންކުރެވޭ އާއްމު ނިސްބަތް މަތިވަމުންދާ ކަމަށެވެ. އެހެންވެ ކަރަންޓް އިޤުތިޞާދު ކުރުމަށާއި، އޭސީ ފަދަ ފިނިކުރާ އާލާތްތައް 25 ޑިގްރީއަށް ވުރެ ދަށް ނުކުރުމަށް ސްޓެލްކޯއިން އިލްތިމާސްކުރެއެވެ.

މިއަދު ކަރަންޓް ބޭނުން ކުރެވުނު ނިސްބަތް 102 މެގަވޮޓްއަށް މަތިވި އިރު، ސްޓެލްކޯގެ ކެޕޭސިޓީއަކީ 124 މެގަވޮޓްއެވެ.

ރާއްޖެއަށް އެންމެ ހޫނު މަހަކަށް އޭޕްރީލް މަސް ވާއިރު، ރާއްޖޭގައި އިހްސާސްކުރެވޭ ފިނިހޫނުމިން އިއްޔެއާ މިއަދު ވަނީ، 44 ޑިގްރީއަށް ވުރެ މައްޗަށް ގޮސްފައެވެ.