ލަންޑަންގެ ހީތްރޯ އެއާޕޯޓުން ފުރައިގެން ސިންގަޕޫރަށް ދަތުރުކުރި، ސިންގަޕޯރ އެއާލައިންސްގެ ފްަލައިޓެއް، ބޭ އޮފް ބެންގޯލްގެ މަތިން ގަދަ ވައިގައިޖެހި ފްލައިޓް ތަޅުވައިގަތުމާއި ގުޅިގެން ފަސިންޖަރަކު މަރުވެ އިތުރު ބައެއް ފަސިންޖަރުން ޒަޚަމްވެއްޖެއެވެ.

މިހާދިސާ ހިނގާފައި ވަނީ މިއަދު ހަވީރުގައެވެ.

ބީބީސީން ރިޕޯޓްކޮށްފައިވާ ގޮތުގައި ސިންގަޕޯރ އެއާލައިންސްގެ ފްލައިޓް އެސްކިޔޫ 321 ބޭންއޮފް ބެންގޯލްގެ މަތިން ކޮޅިގަނޑުގައި ޖެހި، ގަދަވައިގައި ބޯޓު ތަޅުވައިގަތުމުގެ ސަބަބުން މިނިޓެއްގެ ތެރޭގައި ހަހާސްފޫޓު ތިރިއަށް ވެއްޓުނެވެ. ހާދިސާ ހިނގި އިރު ބޯޓުގައި 211 ފަސިންޖަރުންނާއި 18 ކުރޫއިން ތިއްބެވެ.

Advertisement

ހާދިސާ އާއި ގުޅިގެން އެފްލައިޓް ވަނީ، ބެންކޮކްފެ ސްވަރްނަ ބޫމީ އެއާޕޯޓުގައި މިއަދުގެ މެންދުރު ރާއްޖޭ ގަޑިން 1:15ގައި ޖައްސާފައެވެ. އަދި ހާދިސާގައި އަނިޔާވެފައިވާ ފަސިންޖަރުންނަށް ފަރުވާދޭން ފަށާފައިވާ ކަމުގައި ސިންގަޕޯރ އެއާަލައިންސްއިން ނެރުނު ބަޔާނުގައި ބުނެފައިވެއެވެ.

އިންޑިއާ ކަނޑާއި އިންޑިއާ ކަނޑުގެ އައްސޭރިފަށުގެ ސަރަހައްދަށް މިދުވަސްވަރު ވަރަށް ބޮޑަށް މޫސުމް ގޯހެވެ.