Advertisement
ރައީސް މ. ކޮޅުފުއްޓަށް ވަޑައިގެންނެވުން ---
ރިޔާސީ އިންތިޚާބުގެ ކެމްޕޭން ދަތުރުފުޅެއްގައި ރައީސް މ އަތޮޅަށް ވަޑައިގެންފި
ކުރިޔަށް އޮތް ރިޔާސީ އިންތިޚާބުގެ ކެމްޕޭން ދަތުރުފުޅެއްގައި ރައީސުލްޖުމްހޫރިއްޔާ މުލަކަ އަތޮޅަށް ވަޑައިގެންފިއެވެ.
ރައީސްގެ މިދަތުރުފުޅުގައި ރައީސް އެންމެ ފުރަތަމަ ވަޑައިގެންނެވީ، އެއަތޮޅު ކޮޅުފުއްޓަށެވެ. ކޮޅުފުށިން ރައީސަށާއި އެމްޑީޕީގެ ކެމްޕޭން ޓީމަށް ވަނީ ވަރަށް ހޫނު މަރްޙަބާއެއް ދަންނަވާފައެވެ.
ރައީސްގެ މިދަތުރުފުޅުގައި މިއަދު ކޮޅުފުށީގެ ރައްޔިތުންނާއި ބައްދަލުކޮށްލެއްވުމުގެ އިތުރުން. މިސަރުކާރުން ކޮޅުފުށީގައި ހިންގާފައިވާ ބައެއް މަޝްރޫޢުތަކުގެ ނިންމުން ފާހަގަކުރުމުގެ ރަސްމިއްޔާތު ޝަރަފްވެރިކޮށްދެއްވައި ޚިދުމަތްތައް ވަނީ އިފްތިތާޙްކޮށް ދެއްވާފައެވެ.
މިގޮތުން، މ. އަތޮޅު މަދަރުސާގެ މަލްޓިޕަރޕަސް ހޯލާއި 8 ކްލާސްރޫމް ހުޅުވައިދެއްވައި، ފެނުގެ ނިޒާމް އިފްތިތާޙްކޮށްދެއްވައި، އެރަށުގެ ގޮނޑުދޮށް ހިމާޔަތްކުރުމުގެ މަޝްރޫއުގެ ނިމުންފާހަގަކުރުމުގެ ރަސްމިއްޔާތުގައި ރައީސުލްޖުމްހޫރިއްޔާ ވަނީ ބައިވެރިވެވަޑައިގެންފައެވެ.
އެމްޑީޕީން ހާމަކޮށްފައިވާ ގޮތުގައި، "އުފާވެރި އަމާންރާއްޖެ" ކެމްޕޭން ދަތުރުފުޅުގައި ރައީސް މިއަދާއި މާދަމާ މ.އަތޮޅުގެ އެހެން ބައެއް ރަށްރަށަށްވެސް ވަޑައިގަންނަވާނެއެވެ.
