އީރާންގެ ރައީސް އިބްރާހީމް ރައީސީ ދަތުރު ކުރެއްވި ހެލިކޮޕްޓަރު ވެއްޓުނު ހާދިސާގައި އެއްވެސް މީހަކު ސަލާމަތްވެފައި ނުވާ ކަމުގައި، އީރާންގެ ރެޑް ކްރެސެންޓުން ބުނެފިއެވެ.

އީރާންގެ ރައީސާއި އެމަނިކުފާނުގެ އަރިހުގައި ވަޑައިގެންނެވި ބޭފުޅުން ދަތުރު ކުރެއްވި، ހެލިކޮޕްޓަރު ވެއްޓިފައި ވަނިކޮށް މިހާރު ވަނީ ހޯދާފައެވެ. އެސަރަހައްދަށް އެންމެ ފުރަތަމަ ދެވުނީ، ހެލިކޮޕްޓަރު ހޯދުމުގެ މަސައްކަތުގައި ހަރަކާތްތެރިވަމުން ދިޔަ އީރާންގެ ރެޑްކްރެސެންޓަށެވެ. 

ރެޑްކްރެސެންޓުން ބުނެފައި ވަނީ، ހެލިކޮޕްޓަރުގެ ކެބިންވަނީ ވަރަށް ބޮޑަށް ހަލާކުވެ އަނދާފައި ކަމަށާއި، މީހަކު ސަލާމަތްވި ކަމުގެ އެއްވެސް ނިޝާނެއް ފެންނަން ނެތްކަމަށެވެ. ހެލިކޮޕްޓަރު ވެއްޓުނު ހާދިސާގައި އެއްވެސް މިހާކު ސަލާމަތްވި ކަމަށް ނުބެލެވޭކަމަށް ރެޑްކްރެސެންޓުން ރިޕޯޓް ކުރި ނަމަވެސް އީރާންގެ ރައީސާއި، ފޮރިން މިނިސްޓަރ އަވަހާރަވެފައިވާކަން އަދި މިހާތަނަށް އީރާނުން އިއުލާނެއް ނުކުހެލިކޮޕްޓަރ

ހެލިކޮޕްޓަރ ވެއްޓިފައިވާ ސަރަހައްދު

އީރާންގެ ރައީސް އިބްރާހީމް ރައީސީ އާއެކު އެ ހެލިކޮޕްޓަރުގައި ތިއްބެވި އީރާނު ސަރުކާރުގެ އިސްބޭފުޅުންގެ ތެރޭގައި އީރާންގެ ފޮރިން މިނިސްޓަރ ހުސައިން އާމިރް ޢަބުދުލްލަހްޔާން އާއި، އީރާނުގެ އީސްޓް އަޒަރް ބައިޖާން ޕްރޮވިންސްްގެ ގަވަރުނަރު މާލިކް ރަޙްމަތީ އާއި ތަބްރީޒް ޕްރޮވިންސްގެ އިމާމް މުޙައްމަދު ޢަލީ އަލްޙާޝިމް ހިމެނިވަޑައިގަންނަވައެވެ.

އީރާންގެ ރައީސް އިބްރާހީމް ރައީސީ އަވަހާރަ ވުމާއި ގުޅިގެން، ރައީސްގެ ޒިންމާތަކާއި ހަވާލުވެ ވަޑައިގަންނަވާނީ، ނައިބު ރައީސް މުޙައްމަދު މޮޚްބަރ އައްޔަނުކުރައްވާނެއެވެ. މީގެ އިތުރުން ކުރިޔަށް އޮތް 50 ދުވަހުގެ ތެރޭގައި އައު އިންތިޚާބެއް ބާއްވަންވެސް ޤާނޫނުން ލާޒިމް ކުރެއެވެ.

އީރާންގެ ރައީސް ކަމުގެ މަޤާމަށް އިބްރާހީމް ރައީސީ އިންތިޚާބު ކުރީ 2021 ވަނަ އަހަރުގައެވެ.