ކ. މާފުށީ ގޮނޑު ދޮށުގައި އެހެލާފައި އޮތް ލޯންޗެއްގައި ރޯވެ އަނދައިފިއެވެ.

އެމްއެންޑީއެފުން ވިދާޅުވީ، އަލިފާނުގެ ހާދިސާގެ ރިޕޯޓު ލިބިފައި ވަނީ، މިއަދު މެންދުރު 12:34 ހާއިރުގައި ކަމަށެވެ. މާފުށި ފަޔަރ ސްޓޭޝަނަށް އެހާދިސާ ރިޕޯޓް ކުރުމާއި އެކު، ފަޔަފައިޓަރުން އެސަރަހައްދަށް ގޮސް 12:46 ހާއިރު އަލިފާން ނިވާލާފައިވާ ކަމުގައި އެމްއެންޑީއެފުން ވިދާޅުވިއެވެ.

އަލިފާނުގެ ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.

އެހެން ނަމަވެސް އެހެލާފައި އޮތް އެލޯންޗުގައި ގަސްދުގައި ރޯކޮށްލީކަމަށް ތުހުމަތުކޮށްފައިވެއެވެ. އެހެންވެ އަލިފާނުގެ އެހާދިސާ ވަނީ ތަޙްޤީޤުކުރަން ފަށާފައެވެ.