ދިރާގުން އެކުންފުނީގެ ކަސްޓަމަރަކަށް މިހާތަނަށް ދޭން ކަނޑައެޅި އެންމެ އަގުބޮޑު ހަދިޔާކަމުގައިވާ ޓެސްލާ ކާރު ލިބޭ ފަރާތް ކަނޑައެޅުމަށް ބާއްވާ ގުރުއަތުނަގަން ބާކީ އެއްމަހަށް ވެއްޖެއެވެ.

ދިރާގުން ހާމަކޮށްފައިވާ ގޮތުގައި ޓެސްލާ ކާރު ލިބޭ ފަރާތް ހޮވުމަށް ގުރުއަތު ނެގުން އޮންނާނީ، އަޟުހާ އީދާއި ގުޅުވައިގެން ޖޫން މަހުގެ 17 ވަނަ ދުވަހުގައެވެ.

"ވިން އަ ޓެސްލާ" ޕްރޮމޯޝަން ދިރާގުން ފަށާފައި ވަނީ، އެ ކުންފުނީގެ 35 ވަނަ އަހަރީ ދުވަހާއި ގުޅުވައިގެންނެވެ. މި ޕްރޮމޯޝަންގައި ބައިވެރިކޮށްފައި ވަނީ، ޖެނުއަރީ 31، ގެ ކުރިން ދިރާގު ޕޯސްޓްޕެއިޑް 450 ނުވަތަ ފައިބާ ބްރޯޑްބޭންޑް 30 އެމްބީއިން މަތީގެ ޕްލޭންތައް ނަގާފައިވާ ފަރާތްތަކަށެވެ. އަދި އެފަރާތްތަކަކީ، ޖޫން 17 އާއި ހަމައަށް އެޕްލޭންތައް ބޭނުންކުރަމުން އަންނަ ފަރާތްތަކެއް ކަމުގައި ވާންޖެހެއެވެ.

Advertisement

"ވިން އަ ޓެސްލާ" ޕްރޮމޯޝަންގައި ދިނުމަށް ހަމަޖައްސާފައިވާ ޓެސްލާ ކާރު ދައްކާލުމަށް ދިރާގުން ވަނީ، ޚާއްޞަ ހަރަކާތެއްވެސް ހުޅުމާލެ ސެންޓްރަލް ޕާކުގައި ބާއްވާފައެވެ.