އެކުވެރި ދައުލަތްތަކުގެ ޖަމިއްޔާ އދ. ގެ ފުރިހަމަ މެމްބަރުކަން ފަލަސްޠީނަށް ދިނުމަށް، ޔުނައިޓެޑް އެރެބް އެމިރޭޓްސްއިން އިން ހުށައެޅި ހުށައެޅުން އދ.ގެ އާއްމު މަޖިލީހުން މިރޭ ފާސްކޮށްފިއެވެ.

މިހުށައެޅުން ފާސްކޮށްފައި ވަނީ، އދ. ގައި ހިމެނޭ 143 ޤައުމެއްގެ ވޯޓާއި އެކުގައެވެ. ފަލަސްޠީނަށް އދ، ގެ ފުރިހަމަ މެމްބަރުކަން ދިނުމާއި ދެކޮޅަށް ވޯޓު ދީފައި ވަނީ 9 ޤައުމުންނެވެ.

ފަލަސްޠީނަށް ފުރިހަމަ މެމްބަރުކަން ދިނުމަށް ދެކޮޅު ހެދި ޤައުމުތަކުގެ ތެރޭގައި ހިމެނެނީ؛

އެމެރިކާ

އިޒްރޭލް

އާޖެންޓީނާ

ޗެކްރިޕަބްލިކް

ހަންގޭރީ

މައިކްރޯނޭޝިޔާ

ނައޫރޫ

ޕަލާއު

ޕަޕުއާ ނިއުގިނީ ؛ އެވެ.

ފަލަސްޠީނަށް ފުރިހަމަ މެމްބަރުކަން ދިނުމަށް ދެކޮޅު ހަދާފައި ވަނީ، ޔަހޫދީންގެ ކޮންޓްރޯލް އޮންނަ ޔޫރަޕާއި އެމެރިކާ ބައްރުގެ ޤައުމުތަކާއި، ދެކުނު ޕެސިފިކް ކަމޑުގެ ޖަޒީރާ ކުދި ޤައުމުތަކުގެ ތެރެއިން ޔޫރަޕްގެ ޤައުމުތަކުން ކޮންޓްރޯލް ކުރާ ކުދި ޤައުމުތަކުންނެވެ.

މިރޭ ބޭއްވި އދ.ގެ އާއްމު މަޖިލީހުގެ 10 ވަނަ ކުއްލި ބައްދަލުވުމުގައި، ފާސްކުރި މިޤަރާރަކީ ދިވެހިރާއްޖެއިން ކޯ ސްޕޮންސަރކޮށްފައިވާ ޤަރާރެކެވެ. މިހާތަނަށް ފަލަސްޠީނު ހިމަނާފައި ވަނީ، އދ.ގެ އޮބްޒާވަރ ޤައުމެއްގެ ގޮތުގައެވެ. މިޤަރާރު ފާސްވި ނަމަވެސް އަދިވެސް އދ. ގެ މެމްބަރު ޤައުމުތަކަށް ލިބިދެވޭ ހުރިހާ ޙައްޤެއް ފަލަސްޠީނަކަށް ނުލިބެއެވެ.