Advertisement

ބައިނަލް އަޤުވާމީ ކުޑަކުދިންގެ ދުވަސް ފާހަގަކުރުމުގެ ހަރަކާތްތަކުގެ ތެރެއިން -- ފޮޓޯ: ރައީސް އޮފީސް

10 May 2024
ޚަބަރު
ޢަލީ ސުލައިމާން

ރާއްޖޭގެ ހުރިހާ ރަށެއްގައި ސަރުކާރުން ކުޑަކުދިންގެ ޕާކުތައް ބިނާކޮށްދެއްވާނެ ކަމުގައި ރައީސުލްޖުމްހޫރިއްޔާ ވިދާޅުވެއްޖެ

ކުޑަކުދީންނަށާއި ޢާއިލާތަކުން އެދޭފަދަ ކުޑަކުދިންގެ ޕާކުތައް، ސަރުކާރުން ރާއްޖޭގެ ހުރިހާ ރަށެއްގައި ބިނާކޮށްދެއްވާނެ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ،

އެމަނިކުފާނު މިހެން ވިދާޅުވީ، މިއަދު ފާހަގަކުރާ ދިވެހިރާއްޖޭގެ ޤައުމީ ކުޑަކުދިންގެ ދުވަހުގެ މުނާޞަބަތުގައި ފޮނުއްވެވި ޚިޠާބުގައެވެ.

ރައީސުލްޖުމްހޫރިއްޔާގެ ޚިޠާބުގައި ވިދާޅުވީ، ރާއްޖޭގެ އެކި ރަށްރަށަށް އެމަނިކުފާނު ކުރައްވަމުން ގެންދަވާ ޒިޔާރަތްތަކުގައި ވަރަށް ގިނަ ކުޑަކުދީން، އެކުދީން ކުޅިވަރުކުޅެ އުޅޭނެ ޒަމާނީ ޕާކެއް އެރަށްރަށުގައި ބިނާކޮށްދިނުމަށް އެދެމުންދާ ކަމަށެވެ. އަދި އެކަމަށް އިޖާބަ ދެއްވައި ރާއްޖޭގެ ހުރިހާ ރަށެއްގައި ކުޑަކުދިންގެ ޕާކުތައް ބިނާކޮށްދެއްވާނެ ކަމުގައި ރައީސުލްޖުމްހޫރިއްޔާ ވަނީ ވިދާޅުވެފައެވެ.

Advertisement

"ރާއްޖޭގެ އެކި ކަންކޮޅުތަކުގައި ކުތުބުޚާނާތައް ބިނާކުރަން ފަށައި، ކުޑަކުދީންގެ ސިކުނޑިތަކަށް ޢިލްމާއި މަޢުލޫމާތުން ކާނާ ލިބޭނެ މަގުތައް އިތުރުކޮށްދޭނަމެވެ. ބަވަނަވަމުން މިދާ ދުނިޔެއަށް ހަލުވިކަމާއެކު އަންނަ ބަދަލުތަކާއި، ކުރިއަރަމުން އަންނަ ޓެކްނޮލޮޖީތަކަށް ދަރީން އަހުލުވެރިކުރުވަން ވާނީ އަޅުގަނޑުމެން ނުހަނު ހުޝިޔާރުވެ ތިބެއެވެ. ޒަމާނީ ކޮންމެ އޮއިވަރަކާއެކު އަންނަ ނުކިއްސަރު ކަންކަމުން ދަރީން ދަފަރާ ކުރާން ހޭލުންތެރިވެ ތިބެއެވެ. ސަރުކާރުން މި ހުރިހާ ކަމެއްގައި އިރާދަކުރެއްވިއްޔާ ހުރިހާ މައިންބަފައިންނާއި، ބެލެނިވެރީންނާއި، ސަހަރޯވެރީންނާވެސް އެއްބާރުލައި އަތުގުޅާލައިގެން މަސައްކަތްކުރާނަމެވެ."

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު --

ރައީސުލްޖުމްހޫރިއްޔާ އެމަނިކުފާނުގެ ޚިޠާބުުގައި އިތުރަށް ވިދާޅުވީ، މި ޤައުމުގެ ކުރިމަގަށް ކުރެވޭ ފާގަތި އުންމީދާއި، މާދަމާގެ ވިޔަވަތިކަމަށް އެދި ރެޔާދުވާލު މިކުރާ މަސައްކަތުގެ މިލްކުވެރީންނަކީ އަދި ވާރުތަވެރީންނަކީ، މިއަދުގެ ކުޑަކުދީން ކަމަށެވެ. އަދި އެކުދީންގެ ޙައްޤުގައި މިއަދު ކުރި މަސައްކަތަކުން ނޫނީ މި ޤައުމަށް އުޖާލާ މުސްތަޤްބަލެއް ހޯދައި ނުދެވޭނެ ކަމުގައިވެސް ރައީސުލްޖުމްހޫރިއްޔާ ވަނީ އެމަނިކުފާޏުގެ ޙިޠާބުގައި ފާހަގަ ކުރައްވާފައެވެ.

ޚަބަރު ރައީސުލްޖުމްހޫރިއްޔާގެ އޮފީސް
ކޮމެންޓް
އިތުރު އާޓިކަލް
20 May 2024
ޚަބަރު
މައްޗަންގޮޅި ގެއެއްގެ ބެލްކަނި ޝީޓުން ބައެއް މަގުމައްޗަށް ވެއްޓިއްޖެ
މިހާދިސާގައި އެއްވެސް މީހަކަށް ގެއްލުމެއް ލިބިފައި ނުވި ނަމަވެސް އެގެއާ ގާތުގައި މަގުގައި ޕާކުކޮށްފައި ހުރި ސައިކަލުތަކަށް އެކިވަރުގެ ގެެއްލުންތައް ލިބުނެވެ. މިހާދިސާ ހިނގާފައި ވަނީ މިރޭ ގައެވެ. ބެލްކަނިން ބައެއް ވެޓުނުގެ ހުންނަނީ މައްޗަންގޮޅި ސަހަރާގެ އިރުމަތިން އޮންނަ ދެވިނަ މަގުގައެވެ.
20 May 2024
ޚަބަރު
އީރާނުގެ ނައިބު ރައީސް ވަގުތީ ގޮތުން ރައީސް ކަމުގެ މަޤާމާއި ހަވާލުވެވަޑައިގެންފި
އީރާންގެ ޤާނޫނުތަކުގައި ވާގޮތުން، ރައީސް އަވަހާރަވެއްޖެނަމަ ނުވަތަ މަސްއޫލިއްޔަތު އަދާކުރުމަށް ވަގުތީ ގޮތެއްގައި ނުވަތަ ދާއިމީ ގޮތެއްގައި ނުކުޅެދިއްޖެ ނަމަ، ނައިބު ރައީސް ، ވަގުތީ ރައީސްގެ ގޮތުގައި ހަމަޖެއްސޭނެއެވެ. އަދި ނައިބު ރައީސް ރައީސް ކަމުގެ މަޤާމާއި ހަވާލުވެވަޑައިގެންނެވުމަށްފަހުގައި ގިނަ ވެެގެން 50 ދުވަހުގެ ތެރޭގައި އިންތިޚާބު ބާއްވައި އައު ރައީސަކު ހޮވަންޖެހޭނެއެވެ.
20 May 2024
ދުނިޔެ
އިޒްރޭލުގެ ބޮޑު ވަޒީރާއި އަސްކަރިއްޔާގެ އިސްވެރިން ހައްޔަރު ކުރުމުގެ އަމުރަކަށް އެދިއްޖެ
މިހުށައެޅުމުގައި އެދިފައި ވަނީ، އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ އާއި، އިޒްރޭލުގެ ޑިފެންސް މިނިސްޓަރ ޔޯއާވް ގަލަންޓް ހައްޔަރުކުރުމުގެ އަމުރެއް ނެރެދިނުމަށެވެ. ހަމައެގޮތަށް، ހަމާސްގެ ލީޑަރު ޔަހްހާ ސިންވާރް އާއި ހަމާސްއިން ކުރާ ހަނގުރާމައިގެ އިސްވެރިއަކަށް ހުރި، މުހައްމަދު ދިއާބު އިބްރާހީމް އަލްމަސްރީ އާއި ހަމާސްގެ އަސްކަރީ ގޮފީގެ ވެރިޔާ އިސްމާޢީލް ހަނިއްޔާ ހިމެނެއެވެ.
20 May 2024
ޚަބަރު
ބަނޑޭރި ކޮށީ ގެއެއްގެ ތެރޭގައި މަރުވެފައި އޮއްވައި ފެނުނު މީހާގެ ހަށިގަނޑު ޕޯސްޓް މޯޓަމް ހެދުމަށް އިންޑިއާއަށް ފޮނުވައިފި
މިމަހުގެ 13 ވަނަ ދުވަހު ބަނޑޭރިކޮށީގައި މަރުވެފައި އޮއްވައި ފެނުނު އެމީހާ އާއި ގުޅޭ މައުލޫމާތެއް ފުލުހުން ހާމައެއް ނުކުރެއެވެ. އެމީހާވެސް ފެނިފައި ވަނީ މަރުވެ ކުނިވެފައި އޮއްވައެވެ. ބަނޑޭރިކޮށީގެ ގެއެއްގެ ތެރޭގައި މަރުވެފައި އޮއްވައި ފެނުނު މީހަކީ، އުމުރު ދުވަހުގެ ޖަލު ޙުކުމެއް ތަންފީޒް ކުރަމުން ދަނިކޮށް މަޢާފްދެއްވައި މިދިޔަ އަހަރު ދޫކޮށްލާފައިވާ މީހެއް ކަމުގައި ބައެއް މަސްދަރުތަކުން ބުނެފައިވެއެވެ.