މިއަހަރު ރާއްޖެއިން ހައްޖަށް ދިޔަ މީހުންގެ ތެރެއިން އެންމެ ފަހު ގުރޫޕުގައި ހިމެނޭ ހައްޖުވެރީން މާލެއައުމުން އެފަރާތްތަކާއި ރައީސުލްޖުމްހޫރިއްޔާގެ ނައިބު ފައިޞަލް ނަސީމް ބައްދަލު ކުރައްވައި މަރުޙަބާވިދާޅުވެއްޖެއެވެ.

ހައްޖުވެރީންގެ އެންމެ ފަހު ގުރޫޕް މިއަދު މާލެ އައިރު، ނައިބު ރައީސް ވަނީ އެއާޕޯޓަށް ވަޑައިގެން ހައްޖުވެރީންނަށް މަރުޙަބާ ވިދާޅުވެ ޙާލު އަހުވާލު އޮޅުންފިލުއްވާފައެވެ.

މިއަހަރު ރާއްޖެއިން ހައްޖަށް ދިޔަ މީހުންގެ ތެރެއިން އެންމެ ފަހު ގުރޫޕް ރާއްޖެ އައިސްފައި ވަނީ މިއަދު ހަވީރުގައެވެ. މި ގުރޫޕްގައި ހިމެނެނީ މޯލްޑިވްސް ހައްޖު ކޯޕަރޭޝަންގެ ޙަވާލުގައި ހައްޖަށް ދިޔަ މީހުންނެވެ.

މިއަހަރު ރާއްޖެއިން 1000 ވުރެ ގިނަ މީހުން ހައްޖަށްދިޔައިރު، ޢަމީރުލްހައްޖުގެ ގޮތުގައި ހައްޖަށް ވަޑައިގެންނެވީ ރައީސުލްޖުމްހޫރިއްޔާގެ ނައިބު ފައިޞަލް ނަސީމެވެ.