Advertisement
މޯލްޑިވިއަން އިން އަލަށް ގެނައި މަތިންދާ ބޯޓު --
މޯލްޑިވިއަންގެ ފްލީޓަށް އިތުރު ބޯޓެއް ގެނެސްފި
މޯލްޑިވިއަންގެ ފްލީޓްގައި ބޭނުން ކުރުމަށް މުޅިން އައު، 42-600 މަރުކާގެ މަތިންދާބޯޓެއް ގެނެސްފިއެވެ.
މިބޯޓު ރާއްޖެއަށް ގެނެސްފައި ވަނީ މިއަދު އެވެ. ބޯޓު ވެލާނާ އިންޓަރނޭޝަނަލް އެއާޕޯޓުގައި ޖެއްސުމުން ވަނީ، ވޯޓާ ސެލިއުޓްއަކުން މަރުހަބާ ކިޔާފައެވެ.
މޯލްޑިވިއަން އިން އެކުންފުނީގައި ބޭނުންކުރާ ބޯޓުތައް، އޭޓީއާރް މަރުކާގެ ބޯޓުތަކަށް ބަދަލު ކުރުމުގެ މަސައްކަތް ކުރަމުންދާއިރު، މިއީ މޯލްޑިވިއަން އިން އެއާލައިންގެ ފްލީޓްގައި ބޭނުން ކުރުމަށް ގެނައި އޭޓީއާރް މަރުކާގެ 4 ވަނަ ބޯޓެވެ.
Advertisement
އައު ބޯޓު ރާއްޖެ ގެނައުމާއި ގުޅޭ ގޮތުން މޯލްޑިވިއަން އިން ބުނެފައި ވަނީ، އޭޓީއާރް 42-600 މަރުކާގެ މަތިންދާބޯޓަކީ، ޒަމާނީ ޓެކްނޮލޮޖީއާއެކު ބޭނުން ކުރެވޭ ގޮތަށް ފަރުމާކޮށްފައިވާ ބޯޓެކެވެ.
މޯލްޑިވިއަންއިން ބުނީ، އެ އެއާލައިންގެ ފްލީޓަށް އިތުރު ކުރެވުނު މިބޯޓާއިއެކު ޚިދުމަތްތައް ރަނގަޅު ކުރެވި ކަނެކްޓިވިޓީ އިތުރު ކުރެވޭނެ ކަމަށެވެ. އަދި މިބޯޓުގައި 30 އާއި 50 އާއި ދެމެދުގެ އަދަދެއްގެ ފަސިންޖަރުން އުފުލޭނެ ކަމުގައިވެސް މޯލްޑިވިއަނުން ބުނެފައި ވެެއެވެ.
