20 ވަނަ ރައްޔިތުންގެ މަޖިލީހުގެ ނާއިބު ރައީސާގެ މަޤާމަށް ކެމްޕޭން ކުރައްވަމުން ނުދާ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ކޮއްކޯފުޅު، ފާޠިމަތު ސަޢުދާ ވިދާޅުވެއްޖެއެވެ.

ސަޢުދާ މިހެން ވިދާޅުވީ، ސަޢުުދާ މަޖިލީހުގެ ނާއިބު ރައީސާގެ މަޤާމަށް ގެނައުމަށް ގޮވާލާ ބައެއް ފަރާތްތަކުން ކުރަމުންދާ ކެމްޕޭންތަކާއި ގުޅިގެންނެވެ. މިގޮތުން ސައުދާ މަޖިލީހުގެ ނައިބު ރައީސް ކަމުގެ މަޤާމަށް ގެނައުމަށް ގޮވާލައި، "ސައުދާ ފޯރ ޑެޕިއުޓީ ސްޕީކަރ"ގެ ނަމުގައި ހިންގަމުންދާ އެކްސް އެކައުންޓާއި ގުޅޭ ގޮތުން ސައިދާ ވިދާޅުވީ، އެއީ އޭނާއާއި ގުޅުން އޮތް އެކައުންޓެއް ނޫންކަމަށެވެ. އަދި އޭނާގެ ނަމުގައި އެފަދަ ކަންކަން ނުކުރުމަށް ވަރަށް ބޮޑަށް އެދޭ ކަމުގައި ސައުދާ ވަނީ ވިދާޅުވެފައެވެ.

ސަޢުދާ ވިދާޅުވީ، އޭނާގެ މަސައްކަތްތައް ތަރުތީބު ވެގެން ދާނީ، ޕީޕީއެމް ޕީއެންސީގެ ލީޑަރޝިޕްގެ ވިސްނުމާއި އެއްގޮތަށް ކަމަށެވެ. އެހެން ނަމަވެސް މަޖިލީހުގެ ނައިބު ރައީސާގެ މަޤާމަށް ވާދަ ނުކުރައްވާނެ ކަމުގައެއް އޭނާ ވިދާޅެއް ނުވެއެވެ.

Advertisement

ރައްޔިތުންގެ މަޖިލީހުގެ 20 ވަނަ ދައުރަށް އިންތިޚާބު ވެފައި ވަނީ އެންމެ 3 އަންހެން ބޭފުޅުންނެވެ. މަޖިލީހުގެ މިފެށޭ ދައުރުގައި 93 މެމްބަރުން ތިއްބަވާނެއެވެ.