Advertisement

ސިޓީ ކައުންސިލުން މާލެތެރެ ފޮގް ކުރުން ---

07 May 2024
ޚަބަރު
ޢަލީ ސުލައިމާން

ޑެންގޫ ހުމާއި ޗިކުންގުންޔާ ޖެހޭ މީހުންގެ އަދަދު ވަރަށް ބޮޑަށް މައްޗަށްދާން ފަށައިފި

ރާއްޖޭގައި މިދުވަސްވަރު ޑެންގޫ ހުމާއި ޗިކުންގުންޔާ ފެތުރުން ފާއިތުވި ހަފްތާގައި ބަލި ޖެހުނު މީހުންގެ އަދަދު ވަރަށް ބޮޑަށް މައްޗަށް ގޮސްފައިވާކަން އެޗްޕީއޭއިން އާއްމުކުރި ތަފާސް ހިސާބުތަކުން ހާމަވެއްޖެއެވެ،

އެޗްޕީއޭއިން ހާމަކޮށްފައިވާ ނިމުނު ހަފްތާގެ ތަފާސް ހިސާބުތަކަށް ބަލާއިރު، ނިމުނު ހަފްތާގައި 40 މީހަކަށް ޑެންގޫހުން އަދި، 58 މީހަކަށް ޗިކުންގުންޏާ ޖެހިފައިވެއެވެ. ތަފާސް ހިސާބުތަކަށް ބަލާއިރު، އޭޕްރީލް މަހު، ޖުމުލަ 239 މީހުންނަށް ޑެންގޫހުން ޖެހުނު އިރު، 177 މީހުންނަށް ޗިކުންގުންޔާ ޖެހިފައިވެއެވެ، އަހަރު ފެށުނީއްސުރެ، ޑެންގޫހުމުގެ ކޭސްތައް ފެންނަމުން އައި ނަމަވެސް ތަފާސް ހިސާބުތަކުން ދައްކާ ގޮތުގައި ޗިކުންގުންޔާ ބޮޑަށް ފެތުރެން ފަށާފައި ވަނީ، އޭޕްރީލް މަހުން ފެށީގެންނެވެ.

މިގޮތުން ޑެންގޫ ހުމާއި، ޗިކުންގުންޔާ އެންމެ ބާރަށް ފެތުރެމުން އަންނަނީ، މާލެ ސަރަހައްދުގައެވެ. އަދި ޗިކުންގުންޔާ އެންމެ ބޮޑަށް ފެތުރެމުން އަންނަނީ މާލޭގައި ކަމަށް ވާއިރު، ޑެންގޫހުން އެންމެ ބޮޑަށް ފެތުރެއްމުން އަންނަނީ ހުޅުމާލޭގައެވެ. މާރިޗު މަހުގެ 25 އިން މެއި މަހުގެ 4 ވަނަ ދުވަހާއި ހަމައަށް މާލެއިން އެކަނިވެސް 193 މީހަކަށް ޗިކުންގުންޔާ ޖެހިފައިވާއިރު، އެމުއްދަތުގައި، ހުޅުމާލެއިން ޗިކުންގުންޔާ ޖެހިފައި ވަނީ 40 މީހުންނަށެވެ.

މާރިޗު މަހުގެ 25 އިން މެއި މަހުގެ 4 ވަނަ ދުވަހާއި ހަމައަށް ހުޅުމާލެއިން، 142 މީހުންނަށް ޑެންގޫހުން ޖެހުނު އިރު އެމުއްދަތުގައި، މާލެއިން ޑެންގޫހުން ޖެހިފައި ވަނީ 47 މީހުންނަށެވެ. އަތޮޅުތަކުގެ ތެރެއިންވެސް އެންމެ ބޮޑަށް ޑެންގޫހުން ފެތުރެމުން އަންނަނީ މާލެ އަތޮޅުގެ ރަށްތަކުގައެވެ. މާލެ ފިޔަވައި މާލެ އަތޮޅުގައި ހިމެނޭ ރަށްތަކުން ހުސްވި މަހުގައި 32 މީހަކަށް ޑެންގޫހުން ޖެހުނުކަމުގައި ރިޕޯޓްކޮށްފައިވެއެވެ.

ޑެންގޫހުމާއި، ޗިކުންގުންޔާއަކީ މަދިރީގެ ޒަރީއާއިން ފެތުރޭ ބަލިތަކަކަށް ވާތީ، މަދިރިއުފެދޭ ތަންތަން ނައްތާލުމާއި، ފޮގް ކުރުމުގެ ހަރަކާތްތައް މާލޭ ސިޓީ ކައުންސިލުން ގެންދަނީ ކުރަމުންނެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.