ތިން ޤައުމަކަށް ސަފީރުންގެ ގޮތުގައި އައްޔަނުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ހުށައަޅުއްވާފައިވާ ތިން ބޭފުޅަކަށް ރައްޔިތުންގެ މަޖިލީހުން މިއަދު ރުހުން ދިނުމަށް ފާސްކޮށްފިއެވެ.

މިގޮތުން މަޖިލީހުން ރުހުން ދީފައި ވަނީ، 

- ދިވެހިރާއްޖެއިން ޗައިނާއަށް ކަނޑައަޅުއްވާ ސަފީރު ކަމުގެ މަޤާމަށް، ޑރ. ފަޒީލް ނަޖީބު

- ދިވެހިރާއްޖެއިން ބަނގުލަދޭޝްއަށް ކަނޑައަޅުއްވާ ސަފީރު ކަމުގެ މަޤާމަށް، ޝިއުނީން ރަޝީދު.

- ދިވެހިރާއްޖެއިން ސަޢޫދީއަރަބިއްޔާއަށް ކަނޑައަޅުއްވާ ސަފީރު ކަމުގެ މަޤާމަށް، މުޙައްމަދު ޠާޙާ ؛ އަށެވެ.

މި ތިންބޭފުޅުންނަށް ރުހުން ދިނުމަށް ނެގި ވޯޓުގައި، ޑރ. ފަޒީލް ނަޖީބަށާއި، ޝިއުނީން ރަޝީދު ސަފީރު ކަމުގެ މަޤާމަށް ޢައްޔަނުކުރަން ފެންނަކަމަށް، ވޯޓު ދެއްވާފައި ވަނީ، 35 މެމްބަރުންނެވެ. އަދި ތާޙާއަށް ރުހުން ދިނުމަށް ފެންނަކަމަށް ވޯޓު ދެއްވާފައި ވަނީ، 33 މެމްބަރުންނެވެ.