ސްޓަރ ޕްލަސްގެ މަޝްހޫރު ޑްރާމާ ސިލްސިލާ، "އަނޫޕަމާ"ގައި ލީޑް އެކްޓްރެސްގެ ރޯލުކުޅޭ، ރުޕާލީ ގަންގްލީ (އަނޫޕަމާ) ބީޖޭޕީއަށް ސޮއެކޮށްފިއެވެ.

އިންޑިއާގެ އާއްމު އިންތިޚާބު ބޯމަތިވެފައި ވާއިރު، މިހާރު ވެރިކަންކުރާ ޕާޓީ، ބާރަތިޔާ ޖަންތާ ޕާޓީ، ބީޖޭޕީއަށް އަނޫޕަމާ ސޮއެކޮށްފައި ވަނީ އެޕާޓީގެ މައި އޮފީހުގައި ބުދަ ދުވަހުގައެވެ.

ބީޖޭޕީއާ ގުޅުމަށްފަހު މީޑިއާތަކާއި ވާހަކަ ދައްކަމުން، އަނޫޕަމާ ބުނީ، އޭނާ ބީޖޭޕީއާ ގުޅުނީ އިންޑިއާގެ ބޮޑުވަޒީރު ނަރެންދުރަ މޯދީ ޤައުމަށް ކޮށްދެއްވާ ޚިދުމަށްތައް ފެނި، އެޚިދުމަތްތައްކޮށްދިނުމުގައި އޭނާގެ ބައިވެރިވުންވެސް ދިނުމުގެ ގޮތުން ކަމަށެވެ.

Advertisement

އަނޫޕަމާގެ ގޮތުގައި ސްޓަރ ޕްލަސްގެ ބެލުންތެރިންގެ މެދުގައި މަޝްހޫރުވި އަނޫޕަމާއަކީ، ކުރިންވެސް އެހެން ޓީވީ ޑްރާމާތަކުގައި މަސައްކަތްކޮށްފައިވާ ފަންނާނެކެވެ. އެހެން ނަމަވެސް އޭނާ ބޮޑަށް މަޝްހޫރުވެގެން ދިޔައީ، އަނޫޕަމާގައި ކުޅެފައިވާ ވަފާތެރި ގެވެހި އަނތްބެއްގެ ރޯލުންނެވެ.

އަނޫޕަމާ ބީޖޭޕީއާ ގުޅުނު އިރު، ސްޓަރޕްލަސްގެ ކިޔޫންކީ ސާސް ބީ ކަބީ ބަހޫތީގައި، ގެވެހި އަނތްބެއްގެ ރޯލު ކުޅުނު، ސްމިތީ އިރާނީވެސް ވަނީ، 2003 ވަނަ އަހަރު ބީޖޭޕީއާ ގުޅި ސިޔާސީ މައިދާނަށް ނުކުމެފައެވެ. އޭނާއަކީ މިހާރު އިންޑިއާ ސަރުކާރުގެ ޔޫނިއަން ކެބިނެޓް މިނިސްޓަރެކެވެ.