ދުނިޔޭގެ އެންމެ ބޮޑު ޕެސެންޖަރ ޓަމިނަލް ދުބާއީގެ އައު އެއާޕޯޓުގައި ހެދުމަށް އެޤައުމުން ނިންމައިފިއެވެ.

އެކަން އިޢުލާނު ކުރައްވާފައި ވަނީ ދުބާއީގެ ވެރިޔާ، ޝައިހް މުހައްމަދު ބިން ރާޝިދު އަލް މަހްތޫމްއެެވެ.

ދުބާއީ އަލް މަޚްތޫމް އިންޓަރނޭޝަނަލް އެއާޕޯޓުގަިއ ހަދާ މި ޕެސެންޖަރ ޓަރމިނަލަކީ އަހަރަކު 260 މިލިއަން މީހުންނަށް ޚިދުމަތް ދެވޭ ފެންވަރަށް ތަރައްޤީ ކުރާ ޓަރމިނަލެކެވެ. އަދި އެޓަރމިނަލުގައި 400 ބޯޑިގޭޓު ހުންނައިރު، އެއާޕޯޓުގައި 5 ރަންވޭ އޮންނާނެއެވެ.

Advertisement

ވޯޓަރ ތީމް ޕާކަކާއި އެކު ތަރައްޤީކުރާ އެއާޕޯޓު މިހާރު ބޭނުންކުރާ ދުބާއީ އެއާޕޯޓަށްވުރެ ފަސްގުނަ ބޮޑުވާނެ ކަމަށާއި، އެއާޕޯޓު ތަރައްޤީކުރުމުގެ މަޝްރޫއަށް 35 ބިލިއަން ޑޮލަރު ޚަރަދު ކުރައްވާނެ ކަމުގައި، ދުބާއީގެ ވެރިޔާ، ޝައިހް މުހައްމަދު ބިން ރާޝިދު އަލް މަހްތޫމް ވިދާޅުވެފައިވެއެވެ.

އަރަބި ދުނިޔޭގައި، ތެލުގެ މުއްސަނދިކަން އެންމެ ބޮޑު ޔުނައިޓެޑް އެރެބް އެމިރޭޓްސްއިން ދަނީ ތެލުގެ ފަތުރުވެރިކަމުގެ ސިނާޢަތް ފުޅާކޮށް ވަރުގަދަ ކުރުމަށް އިންފްރާސްޓްރަކްޗަރ ބޮޑެތި މަޝްރޫޢުަތައް ހިންގަމުންނެވެ.