Advertisement
ބަންޑުން ޖަހާލި ލޭންޑިން ކްރާފްޓް --
ރ. އަތޮޅުން ފުރައިގެން މާލެއަށް ދަތުރުުކުރި ލޭންޑިން ކްރާފްޓެއް ބަންޑުން ޖަހާލައި އެކަކު ގެއްލިއްޖެ
ރ. ކުޑަކުރަތު ރިސޯޓުން ފުރައިގެން މާލެއަށް ދަތުރުކުރި "ލިއޯ ޕާލް" ލޭންޑިންގ ކްރާފްޓެއް ބަންޑުން ޖަހާލައި އޭގެން ދަތުރުކުރި ފަސް މީހުންގެ ތެރެއިން އެކަކު ގެއްލިއްޖެއެވެ.
މިހާދިސާގައި ގެއްލިފައި ވަނީ، "ލިއޯ ޕާލް" ލޭންޑިންގ ކްރާފްޓްގެ ބިދޭސީ ފަޅުވެރިއެކެވެ.
އެމްއެންޑީއެފުން ވިދާޅުވީ މިހާދިސާ އާއި ގުޅިގެން،ގެއްލުނު މީހާ ހޯދުމުގެ މަސައްކަތުގައި މާލެ އޭރިއާ ކޮމާންޑް ކޯސްޓްގާޑް ސެކެންޑް ސްކޮޑްރަން އިން ހަރަކާތްތެރިވަމުންދާކަމަށެވެ.
ލޭންޑިންގ ކްރާފްޓް ދަތުރުކުރި ފަސް މީހުންގެ ތެރެއިން ހަތަރު މީހުން ފެނިފައި ވަނީ ކަނޑުވެފައި ވަނިކޮށް ކަމަށާއި، ރޭ ފަތިހު ސީއެމްބިއުލޭންސް 21 އަށް އެމީހުން ނަގާފައިވާ ކަމުގައިވެސް އެމްއެންޑިއެފުން ވިދާޅުވިއެވެ.
މިދުވަސް ވަރަކީ ރާއްޖެއަށް މޫސުމް ގޯސް ދުވަސްވަރެކެވެ.
