ޓްރެފިކް ލައިޓް ރަތްވެފައި ހުއްޓައި، ލައިޓް ފަޅާލާފައި ދާން އުޅެނިކޮށް، އިޒްރޭލްގެ ނެޝަނަލް ސެކިއުރިޓީ މިނިސްޓަރ ބެން ގްވިރްގެ ކާރު އެކްސިޑެންޓްވެ އޭނާއަށް އަނިޔާވެއްޖެއެވެ.

ޓައިމްސް އޮފް އިޒްރާއީލުގައި ރިޕޯޓްކޮށްފައިވާ ގޮތުގައި، އިޒްރޭލްގެ ނެޝަނަލް ސެކިއުރިޓީ މިނިސްޓަރ ބެން ގްވިރްގެ ކާރު އެކްސިޑެންޓްވީ ރެޑް ލައިޓަށް މަޑުނުކޮށް ދާން އުޅުމުގެ ތެރޭގައި ގަވައިދުން އައި އެހެން ކާރެއްގައި ޖެހި، ކާރު ފުރޮޅާލުމުގެ ސަބަބުންނެވެ، މިހާދިސާގައި އިޒްރޭލްގެ ނެޝަނަލް ސެކިއުރިޓީ މިނިސްޓަރ ބެން ގްރިވްއަށް މާބޮޑު އަނިޔާއެއް ނުވާ ކަމަށާއި، އެހެން ނަމަވެސް އޭނާއަށް، ޝާމިރް މެޑިކަލް ސެންޓަރުގައި ފަރުވާދެމުންދާ ކަމުގައި ޓައިމްސް އޮފް އިޒްރާއީލުން ރިޕޯޓްކޮށްފައިވެއެވެ. 

އިޒްރޭލްގެ ނެޝަނަލް ސެކިއުރިޓީ މިނިސްޓްރީން ބުނެފައި ވަނީ، މިނިސްޓަރ ބެން ގްވިރްގެ ހާލު ރަނގަޅު ކަމަށާއި، އޭނާއަށް މާބޮޑު އަނިޔާއެއް ނުވާ ކަމަށެވެ. އިޒްރާއީލްގެ ފުލުހުން ބުނެފައި ވަނީ، ދެކާރު ޖެހި ހިނގި މިއެކްސިޑެންޓްގެ މައްސަލަ ބަލަމުންދާ ކަމަށެވެ.

ބެން ގްރިވްގެ ކާރު، ޓްރެފިކް ލައިޓްތަކަށް މަޑުނުކޮށް ދުއްވާކަން ފާހަގަވެފައި ވާއިރު، މިފަދަ އެކްސިޑެންޓެއް ހުސްވި އަހަރުގެ އޮގަސްޓް މަހުވެސް ހިނގާފައިވެއެވެ. އެފަހަރު ބެން ގްވިރްގެ ކާރު އެކްސިޑެންޓްވީވެސް ޓްރެފިކް ލައިޓަށް މަޑުނުކޮށް ދަނިކޮށެވެ. އެދުވަހު އެ އެކްސިޑެންޓް ހިނގީ އިންޓަވިއުއަކަށް ދަނިކޮށެވެ. 

އިޒްރޭލްގެ ހިބްރޫ މީޑިއާއިން ރިޕޯޓްކޮށްފައިވާ ގޮތުގައި ޓްރެފިކް ގަވައިދާ ހިލާފަށް ޑްރައިވަރު ދުއްވަނީ، ބެން ގްވިރް އެކަމަށް ބާރުއަޅާތީއެވެ.