ސައުތު ޕޮލިސް ޑިވިޜަންގައި ހިމެނޭ ގއ، ގދ، ޏ، އަދި ސ އަތޮޅުގެ ރަށެއްގައި އުމުރުން 11 އަހަރުގެ ކުޑަކުއްޖަކަށް ޖިންސީ ގޯނާކުރި މައްސަލައެއްގައި ދެމީހަކު ހައްޔަރުކޮށްފިއެވެ.

ފުލުހުންގެ އިދާރާއިން ވިދާޅުވީ، ޖިންސީ ގޯނާގެ އެމައްސަލަ ފުލުހުންނަށް ރިޕޯޓްކޮށްފައި ވަނީ ރޭ 23:02 ހާއިރުގައި ކަމަށެވެ. އަދި މިމައްސަލައިގައި މިހާތަނަށް ކޯޓު އަމުރެއްގެ ދަށުން ދެމީހަކު ހައްޔަރުކޮށްފައިވާ ކަމަށާއި، އޭގެ ތެރޭގައި ހިމެނެނީ އުމުރުން 62 އަހަރުގެ ދިވެހި ފިރިހެނަކާއި އުމުރުން 25 އަހަރުގެ ދިވެހި ފިރިހެނަކު މިހާރު ވަނީ ހައްޔަރުކޮށްފައެވެ. މިދެމީހުންވެސް ހައްޔަރުކޮށްފައި ވަނީ މިރޭގައެވެ.

ކުޑަކުދިންނަށް ޖިންސީ ގޯނާ ކުރުމަކީ ޤާނޫނުގައި ބޮޑެތި ޢަދަބުތައް ކަނޑައަޅާފައިވާ ކުށެކެވެ.