މިއަދު މާލޭގެ މަގުމަތީގައި އެއްގަމު އިންޖީނުލީ ބަރު އުޅަނދު ފަހަރު ދުއްވުން ފުލުހުން މަނާކޮށްފިއެވެ.

ފުލުންހުންގެ ކޮމާންޑަރ އިން ޗީފް، ސްޕްރިންޓެންޑެންޓް ޢަބުދުﷲ ޝަރީފް ވިދާޅުވީ، ރައްޔިތުންގެ މަޖިލީހުގެ އިންތިޚާބުގެ ވޯޓުލުން މިއަދު އޮންނައިރު މާލޭގެ މަގުތައް މަތީގައި، ހެވީލޯޑް ވެހިކަލްތައް ދުއްވުން މަނާކޮށްފައިވާ ކަމަށެވެ. އެހެންކަމުން އެކަމަށް އިންޖީނުލީ އެއްގަމު އުޅަނދުފަހަރު ދުއްވާ ފަރާތްތަކުން ސަމާލުކަން ދެއްވުމަށް ޝަރީފް އެދިވަޑައިގެންނެވިއެވެ.

މީގެ އިތުރުން ޝަރީފް ވިދާޅުވީ، މިއަދުގެ އިންތިޚާބަށް ފުލުހުންވެސް ފުރިހަމައަސް ތައްޔާރުވެފައިވާ ކަމަށާއި، ވޯޓުލާ މަރުކަޒުތައް ކައިރީގައި ހަރަކާތްތެރިވާ ފުލުހުން ބޮޑީވޯން ކެމެރާވެސް ބޭނުން ކުރާނެ ކަމަށެވެ. އޭގެ ބޭނުމަކީ ވޯޓުލާ މަރުކަޒުތަކުގެ ކައިރީގައި ހިނގާކަންކަމާއި ގުޅިގެން އަވަހަށް ފިޔަވަޅުތައް އެޅުންކަންވެސް ޝަރީފް ފާހަގަކުރެއްވިއެވެ. އޭނާ ވިދާޅުވީ، ވޯޓާއި ގުޅިގެން ހިންގާ ޤާނޫނާއި ޚިލާފު ޢަމަލުތައްވެސް ފުލުހުން ހުއްޓުވާނެ ކަމުގައިވެސް ޝަރީފް ވިދާޅުވިއެވެ.