Advertisement

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ---

10 Jul 2023
ޚަބަރު
ޢަލީ ސުލައިމާން

ހަމަޖެހުމާއި އަމާންކަމުގެ އެންމެ ބޮޑު ސިއްރަކީ ސަރުކާރުން ކޯލިޝަން ދެމެހެއްޓުން: ރައީސުލްޖުމްހޫރިއްޔާ

މިއަދު ރާއްޖޭގައި އޮތް ހަމަޖެހުމާއި އަމާންކަމުގެ އެންމެ ބޮޑު ސިއްރަކީ ސަރުކާރުން ކޯލިޝަން ދެމެހެއްޓުން ކަމުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، ރިޔާސީ އިންތިޚާބުގެ ކެމްޕޭން ފެށުމުގެ ގޮތުން، ރޭ ށ. ފޯކައިދޫގައި ބޭއްވި "އުފާވެރި އަމާންރާއްޖެ" ނަމުގައި ބޭއްވި ޖަލްސާގައި ވާހަކަފުޅު ދައްކަވަމުންނެވެ.

ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވީ، އެމްޑީޕީ އަނެއްކާވެސް އިންތިޚާބަށް ނުކުމެ މިއޮތީ ކޯލިޝަނަކާއި އެކުގައި ކަމަށެވެ. މިގޮތުން އަދާލަތުޕާޓީއާ އެމްޑީއޭއާއެކު އޮތް އެމްޑީޕީގެ ކޯލިޝަނަކީ، ދިވެހިރާއްޖެއަށް ހެޔޮ އެދޭ ކޯލިޝަނެއް ކަމަށާއި، އެކޯލިޝަނުގައި ހިމެނޭ ޕާޓީތަކުން ދިވެހިރައްޔިތުންނަށް ދެރަގޮތެއް ނޭދޭނެ ކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ. މީގެ އިތުރުން އެމަނިކުފާނު އިތުރަށް ވިދާޅުވީ، މިއީ މިރާއްޖޭގައި އުފެދޭ އެންމެ މެމްބަރުން ގިނަ ކޯލިޝަން ކަމަށެވެ.

"ތިޔަ ބޭފުޅުން އަދިވެސް ވިސްނަވާ! މިވޭތުވެ ދިޔަ ތަނުގައި، ވެރިކަން ކުރަމުން އައި ފަރާތްތަކަށް ކުރިމަތިވަމުން އައިގޮތް. ވެރިކަމުގައި އޮންނަ ޕާޓީއަކާއި އެކު މީގެ ކުރިން ކޯލިޝަން ހަދާނެ ބަޔަކު ނުވޭ." ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ މީގެކުރިން ވެރިކަމުގައި އޮންނަ ބަޔަކާއި އެކު ކޯލިޝަން ހަދާނެ ބަޔަކު ނުވާކަމަށެވެ. މިގޮތުން 2008 ވަނަ އަހަރުގެ ރިޔާސީ އިންތިޚާބާއި، 2013 ވަނަ އަހަރުގެ ރިޔާސީ އިންތިޚާބާއި، 2018 ވަނަ އަހަރުގެ ރިޔާސީ އިންތިޚާބުގައި ވެގެން ދިޔަގޮތް އެމަނިކުފާނު ވަނީ ވިދާޅުވެދެއްވާފައެވެ.

މިއަހަރު ބާއްވާ ރިޔާސީ އިންތިޚާބުގައި އެމްޑީޕީއާއެކު އެމްޑިއޭއާ އަދާލަތު ޕާޓީން ވަނީ ކޯލިޝަން ހަދާފައެވެ. އަދި ޖުމްހޫރީޕާޓީއާ އެމްއާރްއެމްއަށް އެމްޑީޕީގެ ފަރާތުން ވަނީ، ކޯލިޝަން ހެދުމުގެ ދައުވަތު ފޮނުވާފައެވެ. ރާއްޖޭގެ ރިޔާސީ އިންތިޚާބުތަކުގައި އާއްމުން މިހާތަނަށް ވޯޓު ދީފައިވާ ގޮތުގެ ތަފާސް ހިސާބުތަަކަށް ބަލާއިރު، ކޯލިޝަނަކާއި ނުލައި އެއްވެސް ޕާޓީއަކަށް އިންތިޚާބު ކާމިޔާބެއް ނުކުރެވެއެވެ. އަދި އެކަނި އެއްޕާޓީއަކުން ވާދަކޮށް އިންތިޚާބު ކާމިޔާބު ކުރެވޭނެ ވަރަަށް އެއްވެސް ޕާޓީއަކަށް ވޯޓެއްވެސް ހަމަ ނުކުރެވެއެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.