ދުނިޔެއިން އަހަރެމެންނަށް ފެންނަ ބައެއް މީހުންނަކީ، އެފަދަ ދެވަނަ މިސާލެއް ނުވާފަދަ ހިއްވަރުގަދަ މީހުންނެވެ. ޙަޔާތާއި ދިރިއުޅުމުގައި ދިމާވާ ކަންކަމާއިމެދު ފަހި ވިސްނުމުން ނިންމައި، ކާމިޔާބަށް ވާސިލްވި މީހުންގެ ތެރޭފައި ހިމެނޭ މިފަދަ އެކަކީ، ޗައިނާގެ ރަށްފުށު ސަރަހައްދެއް ކަމުގައިވާ ވާދިއަން ވިލެޖަށް އުފަން ލީ ޖުހޮންގއެވެ.

މިހާރު އުމުރުން 45 އަހަރުވެފައިވާ ލީ ޖުއޮންގ އަކީ އާދަޔާޚިލާފް ޑޮކްޓަރެކެވެ. އޭނާގެ ސާބިތު ކޮށްދިނީ އޭނާގެ ނުކުޅެދުންތެރިކަމަކީ އޭނާ ދުށް ހުވަފެންތައް ހަޤީޤަތަށް ހެދުމަށާއި، އިންސާނިއްޔަތަށް ޚިދުމަތްކުރުމަށް އޮތް ހުރަހެއް ނޫންކަމެވެ.

އުމުރުން އެންމެ 4 އަހަރުގައި މަގުމަތީގެ އެކްސިޑެންޓެއްގައި ލީގެ ދެފައި ބުރިވެ މުޅި އުމުރަށް ނުކުޅެދޭ މީހަކަށް އޭނާ ވިއެވެ. 1983 ވަނަ އަހަރު ފައިގެ ފަލަމަސްގަނޑާއި ހަމައިން ދެފައި ބުރިކޮށްލަން ޖެހުމުން ތާއަބަދަށް އޭނާއަށް ދެފައިމައްޗަށް ހިނގާ ބިނގާވެ އުޅުމުން މަހުރޫމްވާން ޖެހުނެވެ. އެހެން ނަމަވެސް ދެއަތުން ދެ ލަކުޑި ގޮނޑީގައި ހިފައިގެން އޭނާ ހިނގަން ދަސްކުރީ އުމުރުން 8 އަހަރުގައެެވެ.

Advertisement

އެވޭނާއި ތަދުތައް އިހްސާސްކުރަން ޖެހުނު ލީ އެންމެ ކުޑައިރުވެސް ދުށް ހުވަފެނަކީ ޑޮކްޓަރަކަށްވުމުގެ ހުވަފެނެވެ. އޭނާގެ ޅަފަތާއި ފުރާވަރު އުމުރުގައި އުފުލި ވޭނާ ތަދުތަކާއި އެކު އޭނާގެ އަމާޒަކަށްވީ އެހެން މީހުންގެ ބުަރަތަކަށް ލުޔެއް ހޯދައި ދޭނެ މީހެއްކަމުގައި ވުމަށެވެ.

ލީ ވަނީ މެޑިސިންގެ ދާއިރާއި ފުރަތަމަ ޑިގްރީ ހާސިލްކޮށްފައެވެ. 2000 ވަނަ އަހަރު އޭނާ ގުރެޖުއޭޓް ވުމުން އޭނާގެ އަވަށުގެ ވިލެޖް ކުލިނިކްގެ ޑޮކްޓަރެއްގެ މަޤާމު ސަރުކާރުންވަނީ އޭނާއަށް ދިނެވެ. ޑޮކްޓަރަކަށް ވުމަށް ފަހުގައި ލީ ކައިވެނި ކުރީ ޗިންގ ނަމަކަށްކިޔާ ލީގެ އަވަށުގައި ދިރިއުޅޭ ޒުވާނަކާއެވެ.

ލީ ފާހަގަކުރާ ގޮތުގައި މަސައްކަތުގައި އެންމެ ބޮޑު އެހީތެރިއަކީ ފިރިމީހާއެވެ. ކުރިން ވަޒީފާ ދޫކޮށްލުމަށް ފަހު ޗިންގ މަސައްކަތް ކުރަމުންދަނީ، މީހުންނަށް ފަރުވާ ދިނުމަށް ލީ ތަންތަނަށް ދަތުރު ކުރުމުގައި އެހީތެރިވެދިނުމަށެވެ. މިގޮތުން ލީއަށް އަމިއްލައަށް ނުދެވޭ ތަންތަނަށް ލީ އުފުލައިގެން ގެންގޮސްދެނީ ޗިންގއެވެ.

ލީ ބުނެފައިވާ ގޮތުގައި ދެ އަވަށެއްގެ 2000 ވުރެ ގިނަ މީހުންނަށް ޚިދުމަތްދޭން ހުރި ޑޮކްޓަރަކީ އޭނާއެވެ. ވިލެޖް ޑޮކްޓަރުންނަކީ، ޑިއުޓީއެއް ނެތި މަސައްކަތް ކުރަންޖެހޭ ބައެއް ކަމަށާއި، ބައެއް މީހުން ހެނދުނު 6 ޖަހާއިރު ނުވަތަ 7 ޖަހާއިރުވެސް ކުލިނިކަށް ޑޮކްޓަރަށް ދައްކަން އަތުވެދާނެކަން ލީ ފާހަގަކުރިއެވެ.

ބަލި މީހުންނަށް ޚިދުމަތް ދިނުމަށްޓަކައި ލީ އަވަށުގައި ދަތުރުކުރަނީ ފުރޮޅުލީ ގޮނޑީގަޔާއި ޓްރައިސިކަލްގައިއެެވެ.

ލީގެ ހިއްވަރުގަދަކަމާއި އޭނާގެ ޚިދުމަތްދިނުމުގައި ބަހައްޓާ ގާތްކަމާއި އެކު ދެއަވަށުގެ އެންމެންގެ ލޯތްބާއި އިހްތިރާމް އޭނާއަށް ލިބިފައިވެއެވެ. ޙާއްޞަ ދުވަސްތަކާއި މުނާސަބާގައި އަވަށުގެ މީހުން ލީއަށް ހަދިޔާވެސް ފޮނުވައެވެ.